പട്ടാപ്പകൽ ഡോക്ടറുടെ വീട്ടിൽ മോഷണം; പണവും സ്വർണാഭരണങ്ങളും കവർന്നു

ആറ്റിങ്ങൽ- ദന്തൽ സർജൻ ഡോ. അരുൺ ശ്രീനിവാസന്റെ മോഷണം നടന്ന വീട്ടിൽ ആറ്റിങ്ങൽ പോലീസിന്റെ പരിശോധന.
ബന്ധുവിന്റെ മരണവുമായി ബന്ധപ്പെട്ട് കഴിഞ്ഞ ദിവസം രാവിലെ ഡോ. അരുണും ഭാര്യയും മക്കളും ഉൾപ്പെടുന്ന കുടുംബം വർക്കലയിലേക്ക് പോയിരുന്നു. ചടങ്ങുകൾക്ക്‌ശേഷം രാത്രി വീട്ടിൽ എത്തുമ്പോൾ മുൻഭാഗത്തെ വാതിൽ തുറന്നു കിടക്കുന്നതാണ് കണ്ടത്. അകത്തെ വാതിലുകളും തകർത്തിരിക്കുന്നതായ് കണ്ടു. കൂടാതെ കിടപ്പ് മുറിയിലെ ലോക്കറും തകർത്ത നിലയിലായിരുന്നു. ഗോൾഡ് ലോൺ ക്ലോസ് ചെയ്തശേഷം സൂക്ഷിച്ചിരുന്ന 50 പവനോളം വരുന്ന സ്വർണാഭരണങ്ങളും ബാങ്കിൽ ലോൺ അടക്കാനായി സൂക്ഷിച്ചിരുന്ന നാലര ലക്ഷത്തോളം രൂപയും ആണ് മോഷ്ടാക്കൾ കവർന്നത്. വാഹനങ്ങൾ കടന്നു പോകുന്നതും ആൾ സഞ്ചാരവും ഉള്ളതായ റോഡിന് സമീപത്തുള്ള വീടാണ് പട്ടാപ്പകൽ കുത്തിത്തുറന്ന് കവർച്ച നടത്തിയത്. ആറ്റിങ്ങൽ പോലീസ് സ്ഥലത്തെത്തി അന്വേഷണം ആരംഭിച്ചു. സമീപത്തുള്ള സി.സി.ടി.വികൾ പരിശോധിച്ചു വരുന്നു.