ദമാം: അൽമുന ഇന്റർനാഷണൽ സ്കൂൾ എട്ടാം ക്ലാസ് വിദ്യാർത്ഥിനി ദുആ നജ്മിന്റെ കവിതാ സമാഹാരമായ റെഡമെന്റിയ പ്രകാശനം ചെയ്തു. ദമാം അൽമുന സ്കൂൾ അങ്കണത്തിൽ നടന്ന ചടങ്ങിൽ സ്കൂൾ പ്രിൻസിപ്പൽ കാസിം ഷാജഹാൻ പുസ്തകം ചെയ്തു. തഷ്‌മിയ ഹയ അൻസാരി പുസ്തകം ഏറ്റുവാങ്ങി. പ്രമുഖ എഴുത്തുകാരൻ മൻസൂർ പള്ളൂർ ഉദ്ഘാടനം ചെയ്തു.
ദമാമിലെ സാമൂഹിക രംഗത്ത് പ്രവർത്തിക്കുന്ന നജ്മുസ്സമാൻ, ആരിഫ ദമ്പതികളുടെ മകളാണ് ദുആ നജ്മു. തൻ്റെ ശ്രദ്ധയിൽ പെട്ട വിവിധ വിഷയങ്ങളിൽ പ്രതിപാദിക്കുന്ന കവിത ഈ പ്രായത്തിൽ പ്രസിദ്ധീകരിക്കപ്പെടുന്നത് അങ്ങേയറ്റം അഭിനന്ദനീയവും പ്രോത്സാഹിപ്പിക്കപ്പെടേണ്ടതുമെന്നും ചടങ്ങിൽ സംസാരിച്ചവർ അഭിപ്രായപ്പെട്ടു.
അൽ മുന സ്കൂൾ മാനേജർ അബ്‌ദുൽ ഖാദർ, സാജിദ് ആറാട്ടുപുഴ, പി.എ.എം ഹാരിസ്, സൗദി മലയാളി സമാജം സെക്രട്ടറി ഡോ. സിന്ധു ബിനു, പ്രവാസി വെൽഫെയർ പ്രസിഡണ്ട് ഷബീർ ചാത്തമംഗലം, നിലമ്പൂർ പ്രവാസി അസോസിയേഷൻ മുഖ്യ രക്ഷാധികാരി ഇഫ്‌തിക്കർ നിലമ്പൂർ, സജിത് (അൽ-കൊസാമ സ്കൂൾ) എന്നിവർ ആശംസയർപ്പിച്ചു സംസാരിച്ചു.
ദുആ നജ്മിനുള്ള ഉപഹാരം സാജിദ് ആറാട്ടുപുഴ കൈമാറി. കവിതാ സമാഹാരത്തിന്റെ പരിചയപ്പെടുത്തൽ അൽമുന സ്കൂൾ അധ്യാപിക പ്രീജ നടത്തി. റഷീദ് ഉമർ സ്വാഗതവും സിറാജുദ്ധീൻ അബ്ദുല്ല നന്ദിയും പറഞ്ഞു. സൈദ് ഖലീൽ ഖിറാഅത്ത് നടത്തി.
അമേയ മരിയ അവതാരക ആയിരുന്നു. കെ.എം. സാബിഖ്, മുഷാൽ തഞ്ഞേരി, റഊഫ് ചാവക്കാട് എന്നിവർ നേതൃത്വം നൽകി.