ജിദ്ദ – ജിദ്ദ വള്ളിക്കുന്ന് മണ്ഡലം കെ.എം.സി.സി സംഘടിപ്പിച്ച സ്മൃതിപഥം ഏകദിന പഠന ക്യാമ്പ് ശ്രദ്ധേയമായി. രാഷ്ട്രീയ ചരിത്ര പഠനം, നേതൃത്വ പരിശീലനം, പ്രവാസിയുടെ സാമ്പത്തിക രംഗം, ആരോഗ്യ കാര്യങ്ങൾ എന്നിവയെക്കുറിച്ചുള്ള വിശദമായ ചർച്ചകൾ നടന്നു. ഉത്തമ നേതൃത്വത്തിന്റെ സ്വാധീനം എന്ന വിഷയത്തിൽ മുസ്ലിം ലീഗ് സംസ്ഥാന സെക്രട്ടറി പി.എം സാദിഖലി പ്രഭാഷണം നടത്തി. ഇൻട്രാക്റ്റീവ് സെഷനിൽ അദ്ദേഹം ക്യാമ്പ് അംഗങ്ങളോട് സംവദിച്ചു. കെ.എം.സി.സി ജിദ്ദ സെൻട്രൽ കമ്മറ്റി ജനറൽ സെക്രട്ടറി വി പി മുസ്തഫ ക്യാമ്പ് ഉദ്ഘാടനം ചെയ്തു. കെ.വി ജംഷീർ കെ പാറക്കടവ് അധ്യക്ഷനായിരുന്നു. ജലാൽ തേഞ്ഞിപ്പലം പ്രസംഗിച്ചു. അൻവർ ചെമ്പൻ സ്വാഗതവും ഷറഫുദീൻ നന്ദിയും പറഞ്ഞു.
വിവിധ വിഷയങ്ങളിൽ നടന്ന ചർച്ച കെ.എം.സി.സി സെൻട്രൽ കമ്മറ്റി സെക്രട്ടറി ഇസ്‌ഹാഖ്‌ പൂണ്ടോളി നിയന്ത്രിച്ചു. മജീദ് കള്ളിയിൽ, ഉനൈസ് കരുമ്പിൽ, ജാഫർ വെന്നിയൂർ,എം എം കോയ മൂന്നിയൂർ, ഗഫൂർ ചേലേമ്പ്ര, നാസർ മമ്പുറം എന്നിവർ സംസാരിച്ചു.
സാമ്പത്തിക ആരോഗ്യ വിഷയങ്ങളെ സംബന്ധിച്ചുള്ള സെഷനിൽ പ്രമുഖ ട്രൈനർ എം എം ഇർഷാദ് ആലപ്പുഴ വിഷയമവതരിപ്പിച്ചു. കെ കെ മുഹമ്മദ് ഉദ്ഘാടനം ചെയ്തു. സാജിദ് മൂന്നിയൂർ അധ്യക്ഷത വഹിച്ചു. മുഹമ്മദ് കുമ്മാളി സ്വാഗതവും റിയാസ് നന്ദിയും പറഞ്ഞു.
സമാപന പൊതുസമ്മേളനം ജിദ്ദ കെഎംസിസി സെൻട്രൽ കമ്മറ്റി പ്രസിഡന്റ് അരി(മ്പ അബൂബക്കർ ഉദ്ഘാടനംചെയ്തു. മുസ്ലിം ലീഗ് സംസ്ഥാന സെക്രട്ടറി പി എം സാദിഖലി മുഖ്യ പ്രഭാഷണം നടത്തി. ജൈസൽ സാദിഖ് കുന്നേക്കാടൻ അധ്യക്ഷത വഹിച്ചു. വി.പി അബ്ദുറഹിമാൻ, ഗഫൂർ അൽ ഹാസ്മി, ജലാൽ തേഞ്ഞിപ്പലം, നാണി ഇസ്‌ഹാഖ്‌, സിറാജ് തേഞ്ഞിപ്പലം ,മുസ്തഫ പാലക്കൽ ,മുംതാസ് ടീച്ചർ എന്നിവർ സംസാരിച്ചു. ജനറൽ സെക്രട്ടറി ഷമീം അലി കൊടക്കാട് സ്വാഗതവും അൻവർ ചെമ്പൻ നന്ദിയും പറഞ്ഞു.