ലക്‌നൗ: യുപിയില്‍ മാതാവ് കുഞ്ഞിനെ എറിഞ്ഞു കൊന്നു. 9 മാസം പ്രായമായ കുഞ്ഞിനെയാണ് എറിഞ്ഞു കൊന്നത്. ഇരുനില വീടിന് മുകളില്‍ നിന്നാണ് കുഞ്ഞിനെ എറിഞ്ഞത്. കുഞ്ഞിന്റെ അമ്മയും സഹോദരിയും തമ്മില്‍ വഴക്കുണ്ടായി തുടര്‍ന്നാണ് കുഞ്ഞിനെ എറിഞ്ഞത് എന്ന് പൊലീസ് അറിയിച്ചു. കുഞ്ഞിനെ ജില്ലാ ആശുപത്രിയില്‍ എത്തിച്ചുവെങ്കിലും മരിച്ചു. കൃഷ്ണ നഗര്‍ പ്രദേശത്തെ അവരുടെ ഇരുനില വീടിന്റെ മുകളില്‍ നിന്ന് അഞ്ജു ദേവി കുട്ടിയെ വലിച്ചെറിഞ്ഞതായി പൊലീസ് ഉദ്യോഗസ്ഥന്‍ പറഞ്ഞു.
കുഞ്ഞിനെ ജില്ലാ ആശുപത്രിയില്‍ എത്തിച്ചെങ്കിലും ഡോക്ടര്‍മാര്‍ മരിച്ചതായി സ്ഥിരീകരിച്ചതായി ബല്ലിയ പൊലീസ് സൂപ്രണ്ട് ഓംവീര്‍ സിംഗ് പറഞ്ഞു. പൊലീസ് അഞ്ജു ദേവിയെ കസ്റ്റഡിയിലെടുത്ത് ചോദ്യം ചെയ്തുവരികയാണ്. കുട്ടിയുടെ മുത്തശ്ശി ശോഭ ദേവിയുടെ പരാതിയുടെ അടിസ്ഥാനത്തില്‍ ബിഎന്‍എസ് സെക്ഷന്‍ 105 പ്രകാരം അവര്‍ക്കെതിരെ കേസെടുത്തിട്ടുണ്ട്.
പൊലീസ് പറയുന്നതനുസരിച്ച്, അഞ്ജു ദേവിക്ക് പ്രണയ വിവാഹമായിരുന്നുവെന്നും കഴിഞ്ഞ രണ്ട് വര്‍ഷമായി അമ്മയോടൊപ്പം അവരുടെ വീട്ടില്‍ താമസിച്ചിരുന്നുവെന്നും പറയുന്നു. അഞ്ജുവിന്റെ മൂത്ത സഹോദരി മനീഷയും കഴിഞ്ഞ രണ്ട് മാസമായി ഒരേ വീട്ടിലാണ് താമസിച്ചിരുന്നത്. കുഞ്ഞിന്റെ അമ്മയും സഹോദരിയും തമ്മില്‍ വഴക്കുണ്ടായി തുടര്‍ന്നാണ് കുഞ്ഞിനെ എറിഞ്ഞത് എന്ന് പൊലീസ് അറിയിച്ചു.