മലപ്പുറം കൊണ്ടോട്ടി സ്വദേശി ഷാർജയിൽ നിര്യാതനായി

ഷാർജ: മലയാളി യുവാവ് യു.എ.ഇയിലെ ഷാർജയിൽ ഹൃദയാഘാതംമൂലം മരിച്ചു. ഷാർജ വ്യവസായ മേഖല 10 ൽ ഗ്രോസറി ജീവനക്കാരനായ നസീഹാണ് (28) മരിച്ചത്. മലപ്പുറം കൊണ്ടോട്ടി കീഴുപറമ്പ് സ്വദേശിയാണ്. കാരങ്ങാടാൻ അബൂബക്കർ എന്ന ബാബുവിന്റേയും ടി.കെ ജമീലയുടെയും മകനാണ്.

അവിവാഹിതനാണ്. സഹോദരൻ: നിയാസ് ബക്കർ. നിയമ നടപടികൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോകും. ശേഷം നാട്ടിലെ ഖബർസ്ഥാനിൽ മറവുചെയ്യുമെന്ന് ബന്ധുക്കൾ അറിയിച്ചു.