ദമാം: ലോക പ്രമേഹദിന പക്ഷാചരണത്തിന്റെ ഭാഗമായി അൽ റയ്യാൻ പോളിക്ലിനിക്കിന്റെ സഹകരണത്തോടെ ദമാം ലയാൻ ഹൈപ്പർ മാർക്കറ്റിൽ സൗജന്യ മെഡിക്കൽ ക്യാമ്പ് നടത്തി. ലയാൻ ഹൈപ്പർ അഡ്മിനിസിട്രേഷൻ മാനേജർ അശ്‌റഫ് ആളത്ത്, അൽ റയ്യാൻ ക്ലിനിക്ക് അഡ്മിനിസ്ട്രേഷൻ മാനേജർ എം.ടി അൻവർ ഹസൻ എന്നിവർ ക്യാമ്പ് ഉദ്ഘാടനം ചെയ്തു. ഡോ. രഞ്ജിത്ത്, ഷമീം ഇബ്രാഹീം, മുന യൂസുഫ് ഹബീബ്, ചിഞ്ചു പൗലോസ്, ഉമ്മർ തിരുവട്ടൂർ, ലയാൻ ഹൈപ്പർ ബി.ഡി.എം നിയാസ് പൊന്നാനി,ഫ്ലോർ മാനേജർ സഈദ്, എച്ച് ആർ അബ്ദുൽ ഗനി നേതൃത്വം നൽകി. മാറിവരുന്ന ജീവിതശൈലിയിൽ കേരളത്തിലെ അഞ്ചിലൊരാൾ പ്രമേഹരോഗികളാകുന്നതായി ഡോ. രഞ്ജിത് അഭിപ്രായപ്പെട്ടു.
കോവിഡാനന്തരം മരുന്നുകൾകൊണ്ടുപോലും പ്രമേഹത്തെ നിയന്ത്രിക്കാനാകാത്ത സ്ഥിതിയുണ്ടെന്ന് ഡോക്ടർ വ്യക്തമാക്കി. കേരളത്തിൽ 20 ശതമാനത്തോളംപേർ പ്രമേഹമുള്ളവരാണ്. ഹൃദ്രോഗം, സ്‌ട്രോക്ക്, വൃക്കരോഗം, കാഴ്ചപ്രശ്നങ്ങൾ, ദന്തരോഗങ്ങൾ, പാദപ്രശ്നങ്ങൾ തുടങ്ങിയ രോഗാവസ്ഥ പ്രമേഹമുള്ളവരിൽ കൂടുതലാണെന്നും ഡോക്ടർ കൂട്ടിച്ചേർത്തു. ലയാൻ ഹൈപ്പർ ഓപ്പറേഷൻ മാനേജർ ഷഫീഖ് സ്വാഗതവും റയ്യാൻക്ലിനിക്ക് ഓപ്പറേഷൻ മാനേജർ ഷെരീഫ് പാറപ്പുറത്ത് നന്ദിയും പറഞ്ഞു.