ജിദ്ദ: സൗദി മതകാര്യ വകുപ്പിനു കീഴില്‍ പ്രവര്‍ത്തിച്ചു വരുന്ന കിലോ പതിമൂന്നിലെ ദഅവ സെന്ററില്‍ മലയാളികള്‍ക്കായി നടത്തി വരുന്ന പഠന കോഴ്‌സിന്റെ പുതിയ ബാച്ച് നാളെ വെള്ളിയാഴ്ച മുതല്‍ ആരംഭിക്കുന്നു. വെള്ളിയാഴ്ചകളില്‍ രാവിലെ 10.00 മുതല്‍ ഉച്ചക്ക് 2.30 വരെയാണ് പഠന സമയം. ആദ്യം രജിസ്റ്റര്‍ ചെയ്യുന്ന ഇരുപതു പേര്‍ക്കുമാത്രമായിരിക്കും പ്രവേശനമുണ്ടായിരിക്കുക.
വിശുദ്ധ ഖുര്‍ആന്‍ പാരായണ നിയമങ്ങള്‍, ഇസ്‌ലാമിക വിശ്വാസ പാഠങ്ങള്‍, അറബി ഭാഷ എന്നീ വിഷയങ്ങളില്‍ പ്രഗല്‍ഭരായ അധ്യാപകര്‍ ക്ലാസുകള്‍ നയിക്കുന്നതായിരിക്കും. ആറു മാസതത്തെ കോഴ്‌സില്‍ വിജയികളാകുന്നവര്‍ക്ക് ആകര്‍ഷകമായ സമ്മാനങ്ങളും കോഴ്സ് സര്‍ട്ടിഫിക്കറ്റുകളും നല്‍കും.
പഠിതാക്കളില്‍ അര്‍ഹരായവര്‍ക്ക് ദഅവ സെന്റര്‍ നടത്തി വരുന്ന ഹജ്, ഉംറ, മദീന സന്ദര്‍ശനം, വിനോദ, ചരിത്രയാത്രകള്‍ തുടങ്ങിയ പരിപാടികളില്‍ പങ്കെടുക്കാവുന്നതാണ്. കൂടുതല്‍ വിവരങ്ങള്‍ക്ക്: 0509001258ബന്ധപ്പെടാം.