എടപ്പാൾ- സ്കൂളിൽനിന്ന് ബൈക്കിൽ കയറുന്നതിനിടെ പ്രിൻസിപ്പൽ കുഴഞ്ഞുവീണു മരിച്ചു. എടപ്പാൾ കണ്ടനകം ദാറുല്‍ഹിദായ ഹയര്‍ സെക്കന്‍ഡറി സ്കൂള്‍ പ്രിന്‍സിപ്പല്‍, പൊന്നാനി സ്വദേശി എന്‍ അബ്ദുള്‍ ഖയ്യും(55) ആണ് മരിച്ചത്. ഇന്ന് വൈകുന്നേരം മൂന്ന് മണിക്ക് സ്കൂള്‍ മൈതാനിയില്‍ കുഴഞ്ഞ് വീണാണ് മരണം സംഭവിച്ചത്.
സ്കൂള്‍ അടച്ചതിനു ശേഷം പോട്ടൂര്‍ മോഡേണ്‍ ഹയര്‍ സെക്കന്‍ഡറി സ്കൂളില്‍ നടക്കുന്ന ഉപജില്ലാ കലോല്‍സവത്തിൽ പങ്കെടുക്കാൻ പോകുന്നതിനായി ബൈക്കില്‍ കയറിയ ഉടനെ കുഴഞ്ഞ് വീഴുകയായിരുന്നു. അരമണിക്കൂറിനു ശേഷം പരിസരവാസികളാണ് ബൈക്കും അതിനടുത്തായി
അബ്ദുള്‍ ഖയ്യൂമും വീണു കിടക്കുന്നത് കണ്ടത്.
ഉടനെ എടപ്പാള്‍ ഹോസ്പിറ്റലില്‍ എത്തിച്ചെങ്കിലും മരണം സംഭവിച്ചിരുന്നു. മൃതദേഹം ഇപ്പോള്‍ എടപ്പാള്‍ ഹോസ്പിറ്റല്‍ മോര്‍ച്ചറിയിലാണ്. ഭാര്യ.മുനീറ. മക്കള്‍.ഫസ്ഹ,ഫര്‍ഷ,ഫൈഹ.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group