സമസ്ത ഇസ്ലാമിക് സെന്റർ സൗദിയിൽ സമാന്തര കമ്മിറ്റി രൂപീകരിച്ചുവെന്ന വാർത്ത വ്യാജമെന്ന്

റിയാദ്: സമസ്ത കേരള ജംഇയ്യത്തുൽ ഉലമയുടെ പതിമൂന്നാം പോഷകസംഘടനയായ സമസ്ത ഇസ്‌ലാമിക് സെന്റർ (എസ് ഐ സി) യുടെ ഉന്നത സ്ഥാനങ്ങളിൽ ഇരിക്കുന്ന ആളുകളെ ഉൾപ്പെടുത്തി സമസ്ത ഇസ്‌ലാമിക് സെന്ററിന് സമാന്തരമായി കമ്മിറ്റി രൂപീകരിച്ചു എന്ന തരത്തിൽ ദ മലയാളം ന്യൂസ് നൽകിയ വാർത്ത തെറ്റിദ്ധാരണയുണ്ടാക്കുന്നതാണെന്ന് വിശദീകരണം. ഇത്തരത്തിൽ ഒരു സമാന്തര കമ്മിറ്റി സൗദി കേന്ദ്രീകരിച്ച് രൂപീകരിച്ചിട്ടില്ലെന്ന് എസ്‌.ഐ.സി നേതാക്കളായ സയ്യിദ് അബ്ദുറഹ്മാൻ ജമലുല്ലൈലി തങ്ങൾ, ഇബ്രാഹിം ഓമശേരി, ഫരീദ് ഐക്കരപ്പടി, സൽമാൻ ദാരിമി എന്നിവർ അറിയിച്ചു.