റിയാദിന് സമീപം വെൽഡിംഗിനിടെ കാറിന്റെ ടാങ്ക് പൊട്ടിത്തെറിച്ച് മലയാളി മരിച്ചു

റിയാദ്- വെൽഡിംഗിനിടെ കാറിന്റെ പെട്രോൾ ടാങ്ക് പൊട്ടിത്തെറിച്ച് മലയാളി മരിച്ചു. മാഹി വളപ്പിൽ തപസ്യവീട്ടിൽ ശശാങ്കൻ-ശ്രീജ ദമ്പതികളുടെ മകൻ അപ്പു എന്ന ശരത്കുമാറാ(29)ണ് മരിച്ചത്.

റിയാദിന് സമീപം അൽഖർജിലാണ് അപകടമുണ്ടായത്. വർക്ഷോപ്പ് ഏരിയയിൽ അറ്റകുറ്റപ്പണിക്കിടെയാണ് അപകടമുണ്ടായത്. വെൽഡിംഗിനിടെ ടാങ്ക് പൊട്ടിത്തെറിച്ചാണ് അപകടമുണ്ടായത്. പൊട്ടിത്തെറിയിൽ യു.പി സ്വദേശിക്ക് പരിക്കേറ്റു.