ജിദ്ദ- പാലക്കാട് ഉപതിരഞ്ഞെടുപ്പ് ഫലം ഫാസിസത്തിനും രാഷ്ട്രീയ നെറികേടിനുമെതിരെയുള്ള വിധിയെഴുത്താവുമെന്ന് ജിദ്ദ പാലക്കാട് ജില്ലാ കെ.എം.സി.സി സംഘടിപ്പിച്ച തെരഞ്ഞെടുപ്പ് കൺവെൻഷൻ അഭിപ്രായപ്പെട്ടു. കെ.എം.സി.സി പാലക്കാട് ജില്ലാ കമ്മിറ്റിയാണ് പാലക്കാട് ഉപതിരഞ്ഞെടുപ്പ് ക്യാംപയിൻ സംഘടിപ്പിച്ചത്.
കൺവെൻഷൻ ജിദ്ദ കെ.എം.സി.സി സെൻട്രൽ കമ്മിറ്റി സെക്രട്ടറി ശിഹാബ് താമരക്കുളം ഉദ്ഘാടനം ചെയ്തു. ജില്ലാ പ്രസിഡന്റ് ഹബീബുള്ള പട്ടാമ്പി അദ്ധ്യക്ഷത വഹിച്ചു.
ജിദ്ദ കെ.എം.സി.സി സെക്രട്ടറി നാസർ മച്ചിങ്ങൽ മുഖ്യപ്രഭാഷണം നിർവഹിച്ചു. ജിദ്ദ ഒഐസിസി വെസ്റ്റേൺ റീജ്യണൽ കമ്മിറ്റി പ്രസിഡന്റ് ഹക്കീം പാറക്കൽ, ഒഐസിസി ജനറൽ സെക്രട്ടറി മുജീബ് തൃത്താല,ജിദ്ദ കെഎംസിസി സെക്രട്ടറിമാരായ അഷറഫ് താഴേക്കോട്,സക്കീർ നാലകത്ത്,പാലക്കാട് ജില്ലാ കെഎംസിസി വൈസ് ചെയർമാൻ ഷൗക്കത്ത് ഷൊർണൂർ,ഓർഗ: സെക്രട്ടറി യൂസഫലി തിരുവേഗപ്പുറ,വൈ പ്രസിഡന്റ് മുഹമ്മദലി കാഞ്ഞീരപ്പുഴ, പാലക്കാട് മണ്ഡലം ജന:സെക്രട്ടറി റഫീഖ് പാലക്കാട് എന്നിവർ പങ്കെടുത്തു. ജില്ലാ ജന: സെക്രട്ടറി കുഞ്ഞുമുഹമ്മദ് കോട്ടോപ്പാടം സ്വാഗതവും ട്രഷറർ ഷഹീൻ തച്ചമ്പാറ നന്ദിയും പറഞ്ഞു