ബൈക്ക് ഡിവൈഡറിൽ ഇടിച്ച് മലപ്പുറത്ത് രണ്ട് യുവാക്കൾക്ക് ദാരുണാന്ത്യം

(മൂന്നിയൂർ)മലപ്പുറം: മലപ്പുറം മൂന്നിയൂരിൽ ബൈക്ക് ഡിവൈഡറിൽ ഇടിച്ചുണ്ടായ അപകടത്തിൽ രണ്ടു യുവാക്കൾ മരിച്ചു. കോട്ടക്കൽ പടപ്പരമ്പ് പാങ്ങ് സ്വദേശികളായ റനീസ് (19), എം.ടി നിയാസ് (19) എന്നിവരാണ് മരിച്ചത്.

മലപ്പുറം മൂന്നിയൂർ പടിക്കൽ ദേശീയ പാതയിൽ ഇന്നലെ രാത്രി 11-ഓടെയായിരുന്നു അപകടം. ഓടിക്കൂടിയ നാട്ടുകാരാണ് ഇരുവരെയും ആശുപത്രിയിലെത്തിച്ചത്.

റനീസിനെ കോട്ടക്കലെ സ്വകാര്യ ആശുപത്രിയിലും നിയാസിനെ കോഴിക്കോട് മെഡിക്കൽ കോളജ് ആശുപത്രിയിലും പ്രവേശിപ്പിച്ചെങ്കിലും ഇരുവരുടേയും ജീവൻ രക്ഷിക്കാനായില്ലെന്ന് നാട്ടുകാർ പ്രതികരിച്ചു.