വാണിയമ്പാറയിൽ കാറിടിച്ച് രണ്ട് വിദ്യാർത്ഥികൾക്ക് ദാരുണാന്ത്യം; അപകടം പള്ളിയിൽ പോയി മടങ്ങുന്നതിനിടെ

പാലക്കാട്: തൃശൂർ-പാലക്കാട് ദേശീയപാതയിൽ വാണിയമ്പാറ നീലിപ്പാറയിൽ കാറിടിച്ച് രണ്ട് വിദ്യാർത്ഥികൾക്ക് ദാരുണാന്ത്യം. പന്തലാംപാടം മേരി മാതാ ഹയർ സെക്കൻഡറി സ്‌കൂളിലെ പത്താം ക്ലാസ് വിദ്യാർത്ഥികളും അഞ്ചുമൂർത്തി മംഗലം സ്വദേശികളുമായ മുഹമ്മദ് ഇസാം ഇഖ്ബാൽ, മുഹമ്മദ് റോഷൻ എന്നിവരാണ് മരിച്ചത്.

ഇന്ന് ഉച്ചയ്ക്ക് കുട്ടികൾ ജുമുഅ നമസ്‌കാരം കഴിഞ്ഞ് പള്ളിയിൽനിന്ന് മടങ്ങവെയാണ് അപകടമുണ്ടായത്. അമിത വേഗതയിലെത്തിയ 24 വാർത്താസംഘം സഞ്ചരിച്ച കാർ നിയന്ത്രണം വിട്ട് വിദ്യാർത്ഥികളെ ഇടിക്കുകയായിരുന്നു. ഉടനെ സമീപത്തെ ആശുപത്രിയിലെത്തിച്ചെങ്കിലും രണ്ടു കുട്ടികളുടെയും ജീവൻ രക്ഷിക്കാനായില്ല.