കോഴിക്കോട് / കോയമ്പത്തൂർ: ഡാൻസ് പഠിക്കാൻ സ്‌കൂളിലേക്ക് പോകുന്നുവെന്ന് പറഞ്ഞ് വീട്ടിൽനിന്നും പോയി കാണാതായ കോഴിക്കോട് ജില്ലയിലെ പെൺകുട്ടിയെ കണ്ടെത്തി. തിരുവമ്പാടിയിൽ നിന്നും കാണാതായ 14-കാരിയെ കോയമ്പത്തൂർ റെയിൽവെ സ്റ്റേഷനിൽ നിന്നാണ് കണ്ടെത്തിയത്.
വിവരം ലഭിച്ചതിനെ തുടർന്ന് മുക്കം പോലീസ് കോയമ്പത്തൂരിലേക്ക് തിരിച്ചു. ഒരാഴ്ചയായി കുട്ടിയെ കാണാതായിട്ട്. റെയിൽവേ പോലീസിന്റെ അന്വേഷണത്തിലാണ് കുട്ടിയെ റെയിൽവേ സ്റ്റേഷനിൽ ഇരിക്കുന്ന നിലയിൽ കണ്ടെത്തിയത്. തുടർന്ന് വിവരം മുക്കം പോലീസിനെ അറിയിക്കുകയായിരുന്നു. കുട്ടിയിൽനിന്നും വിവരങ്ങൾ ശേഖരിച്ചുവരികയാണെന്ന് റെയിൽവേ പോലീസ് പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group