തിരുവനന്തപുരം: താമസസ്ഥലത്തു കയറി സിവിൽ സർവീസ് വിദ്യാർത്ഥിനിയെ യുവാവ് മദ്യം നൽകി ബോധം കെടുത്തി ബലാത്സംഗം ചെയ്തതായി പരാതി. കഴക്കൂട്ടം പോലിസ് സ്റ്റേഷൻ പരിധിയിലെ ഒരു അപ്പാർട്ട്‌മെന്റിൽ താമസിക്കുന്ന യുവതിയുടെ മുറിയിലെത്തിയാണ് യുവാവ് ബലാത്സംഗം ചെയ്തത്. രണ്ടു ദിവസം മുമ്പാണ് സംഭവം. പ്രതി ദീപു എന്ന യുവാവിനെതിരെ യുവതിയുടെ പരാതിയിൽ കേസെടുത്തതായി കഴക്കൂട്ടം പോലിസ് പറഞ്ഞു. തിരുവനന്തപുരം സ്വദേശിയാണ് പ്രതി.
വിദ്യാത്ഥിനിക്ക് ഒരു പ്രണയമുണ്ട്. ആ യുവാവിന്റെ സുഹൃത്താണ് ദീപു. സുഹൃത്തിനെ കുറിച്ച് കാര്യങ്ങൾ പറയാനുണ്ടെന്ന് പറഞ്ഞാണ് ദീപു മുറിയിലെത്തിയത്. പിന്നാലെ ബലമായി മദ്യം കുടിപ്പിച്ച ശേഷം ദീപു ബലാത്സംഗത്തിന് ശ്രമിച്ചുവെന്നാണ് യുവതിയുടെ മൊഴി. പ്രതി സംസ്ഥാനം വിട്ടതായും സംശയമുണ്ട്. പ്രതിക്കായി പോലിസ് അന്വേഷണം ഊർജിതമാക്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group