ജിദ്ദ- നീലഗിരി ജില്ലയിൽ മത, രാഷ്ട്രീയ, സാമൂഹ്യ, സാംസ്കാരിക, രംഗത്ത് നിറസാന്നിധ്യവും സ്വതന്ത്ര തൊഴിലാളി യൂണിയൻ അഖിലേന്ത്യ ട്രഷറററുമായ മജീദ് സാഹിബ് എരുമാടിന് ജിദ്ദയിൽ ജി.ജി.എം.ടി സൗദി കമ്മിറ്റി സ്വീകരണം നൽകി. ഗൂഡല്ലൂർ താലൂക്ക് മുസ്ലിം ഓർഫനേജ്, മുഹമ്മദലി ശിഹാബ് തങ്ങൾ അറബിക്കോളേജ് സൗദി കമ്മിറ്റിയാണ് സ്നേഹാദരം ഒരുക്കിയത്. സലീം നിസാമി ഗൂഡല്ലൂർ അധ്യക്ഷത വഹിച്ചു.
മുഖ്യാതിഥികളായി എത്തിയ ജിദ്ദ കെഎംസിസി പ്രസിഡന്റ് ഇസ്മായിൽ മുണ്ടക്കുളം ഉദ്ടഘാനം ചെയ്തു സെക്രട്ടറി നാസർ മച്ചക്കുളം ആശംസ നേർന്നു. നീലഗിരി ജില്ലയിൽ നിന്നെത്തുന്ന പ്രവാസികൾക്ക് കെഎംസിസി സൗദി നാഷണൽ കമ്മിറ്റിയുടെ സുരക്ഷയിൽ ചേരുന്നതിനുള്ള നിയമ തടസ്സങ്ങളുമായി സംബന്ധിച്ച് വിഷയങ്ങൾ നാട്ടിലെത്തിയ ഉടനെ പരിഹരിക്കുമെന്ന് മജീദ് എരുമാട് ഉറപ്പ് നൽകി.
യോഗത്തിൽ ജി ടി എം സൗദി ഘടകം സെക്രട്ടറി ഷാജഹാൻ സ്വാഗതവും ട്രഷറർ ലത്തീഫ് നന്ദിയും പറഞ്ഞു. സിദ്ദീഖ് ഒറ്റുവയൽ, അഫ്സജ് പന്തല്ലൂർ, മുഹമ്മദ് അമ്പലഞ്ചേരി , എന്നിവർ സംസാരിച്ചു.
നീലഗിരി ജില്ലയിലെ വിവിധ ഭാഗങ്ങളിൽ നിന്നുള്ള ജി.ടി.എം.ഒ എക്സികുട്ടീവ് ഭാരവാഹികളായ നാണി പാക്കണ, അബ്ദുൽ അസീസ് നാണിപ്പു ത്രീ ഡിവിഷൻ, കുഞ്ഞാവ കല്ലുങ്കര ഹസൈനാർ,
മുഹമ്മദലി, ഹംസ ദേവാല ,ബഷീർ പാടന്തറ മൈൽ, മുനീർ, മുജീബ് പാടന്തറ ഫഹദ് ഫസ്റ്റ് മൈൽ തുടങ്ങി തുടങ്ങിയവർ സംബന്ധിച്ചു.