അലവിൽ : അലവിൽ പ്രദേശത്ത് നിന്നും 2024 ൽ എസ് എസ് എൽ സി, പ്ലസ്ടു, ഡിഗ്രി, എൻട്രൻസ് പരീക്ഷകളിൽ ഉന്നത വിജയം നേടിയ വിദ്യാർത്ഥികളെ അലവിൽ മഹല്ല് മുസ്ലിം ജമാഅത്ത് കമ്മിറ്റി അനുമോദിച്ചു. എൽ എൽ ബി പരീക്ഷയിൽ ഉന്നത വിജയം നേടിയ ലിയാന ജാബീൻ, നീറ്റ് എൻട്രൻസ്ൽ ഉന്നത മാർക്ക് കരസ്ഥമാക്കിയ മെഹാക്ക് നൗഷാദ്, ഹനാൻ വി കെ, ബികോം, ബി ബി എ പരീക്ഷകളിൽ ഉന്നത മാർക്ക് നേടിയ ജാസിം മുഹമ്മദ്‌ കെ പി, ഇൻഷാഫ് അഹമ്മദ്, എസ് എസ് എൽ സി, പ്ലസ്ടു പരീക്ഷകളിൽ ഉന്നത മാർക്ക് നേടിയവർക്കും പുരസ്‌കാരങ്ങൾ നൽകി അനുമോദിച്ചു.
അലവിൽ മഹല്ല് മുസ്ലിം ജമാഅത്ത് കമ്മിറ്റി പ്രസിഡന്റ്‌ എസ് എൽ പി മുഹമ്മദ്‌ കുഞ്ഞി അദ്ധ്യക്ഷനായി. മഹല്ല് ഖത്തീബ് ഹാഫിള് മഹറൂഫ് ഫൈസി ഉദ്ഘാടനം ചെയ്തു. മഹല്ല് പ്രസിഡന്റ്‌ എസ് എൽ പി മുഹമ്മദ്‌ കുഞ്ഞി, ജനറൽ സെക്രട്ടറി വി കെ അമീറലി, ട്രഷറർ പി കെ ഇക്ബാൽ, റിയാസ് വി ടി, മഹറൂഫ് വി പി, മൻസൂർ ഹാജി വി ടി, മുസ്തഫ മാസ്റ്റർ എം എന്നിവർ പുരസ്‌കാരങ്ങൾ നൽകി. ജാഫർ സഖാഫി, അബ്ദുറഹ്മാൻ മൗലവി, അബ്ദുൽ ജലീൽ മൗലവി പ്രസംഗിച്ചു.