ആശങ്കയ്ക്കു വിരാമം; മലപ്പുറത്തുനിന്ന് കാണാതായ യുവതിയെയും രണ്ടു മക്കളെയും കണ്ടെത്തി, ഉടനെ നാട്ടിലെത്തിക്കുമെന്ന് പോലീസ്

മലപ്പുറം: മലപ്പുറം ജില്ലയിലെ കുറ്റിപ്പുറം പൈങ്കണ്ണൂരിൽനിന്ന് കാണാതായ യുവതിയേയും രണ്ട് മക്കളേയും കണ്ടെത്തി. കൊല്ലത്തു നിന്നാണ് കാണാതായ പൈങ്കണ്ണൂർ സ്വദേശിനി ഹസ്‌ന ഷെറിനെ(27)യും അഞ്ചും മൂന്നും വയസുള്ള രണ്ട് മക്കളെയും കണ്ടെത്തിയത്.

കൊല്ലത്തുള്ള ഗാന്ധി ഭവൻ എന്ന വൃദ്ധസദനത്തിലാണ് ഇവരിപ്പോൾ ഉള്ളത്. അവിടെ നിന്നും കുടുംബത്തിന് ഫോൺ ലഭക്കുകയായിരുന്നു. ഇവരെ തിരികെ കൊണ്ടുവരാൻ കുടുംബവും പോലീസും കൊല്ലത്തേക്ക് പുറപ്പെട്ടിട്ടുണ്ട്. ഉടനെ നാട്ടിലെത്തിക്കുമെന്ന് പോലീസ് പറഞ്ഞു. കുടുംബ പ്രശ്‌നങ്ങളിലുള്ള മാനസിക പ്രയാസമാണ് വീട് വിടാൻ കാരണമെന്നാണ് പറയുന്നത്.