കൊച്ചി: സൂപ്പര്‍ ലീഗ് കേരളയുടെ സീസണിലെ ആദ്യ മല്‍സരത്തില്‍ മലപ്പുറം എഫ്‌സിക്ക് ജയം. കൊച്ചി കലൂര്‍ സ്റ്റേഡിയത്തില്‍ നടന്ന മല്‍സരത്തില്‍ ഫോഴ്‌സ കൊച്ചി എഫ്‌സിയെ എതിരില്ലാത്ത രണ്ട് ഗോളിനാണ് മലപ്പുറം വീഴ്ത്തിയത്. മലപ്പുറത്തിന്റെ രണ്ട് ഗോളും പിറന്നത് ആദ്യ പകുതിയിലായിരുന്നു. ആദ്യ ഗോള്‍ മാന്‍സിയുടെ വകയായിരുന്നു (മൂന്നാം മിനിറ്റില്‍) . നന്ദു കൃഷ്ണ നല്‍കിയ ക്രോസില്‍ നിന്നായിരുന്നു ഗോള്‍. 39ാം മിനിറ്റില്‍ ഫസലു റഹ്‌മാനിലൂടെ മലപ്പുറം രണ്ടാം ഗോള്‍ നേടി.ബേറ്റിയ നല്‍കിയ ക്രോസ് മാന്‍സി ഹെഡ് ചെയ്തു. ഡൈവിങ് ഫിനിഷിങിലൂടെ ഫസലുറഹ്‌മാന്‍ സ്‌കോര്‍ ചെയ്യുകയായിരുന്നു. ആദ്യ പകുതിയില്‍ ഫോഴ്‌സ കൊച്ചി ചില അവസരങ്ങള്‍ സൃഷ്ടിച്ചിരുന്നു. എന്നാല്‍ ഫിനിഷിങിലെ അപകാത അവര്‍ക്ക് തിരിച്ചടിയായി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group