ദമ്മാം: ജാം ക്രിയേഷൻസ് ദമ്മാം അഖില മലയാളി സമൂഹത്തിനായി നടത്തിയ ചെറുകഥാ രചനാ മത്സര വിജയികൾക്കുള്ള സമ്മാന തുകയും മൊമന്റോയും വിതരണം ചെയ്തു .കലാ സാഹിത്യ സാമൂഹിക സാംസ്ക്കാരിക പത്ര പ്രവർത്തകനും ഡിസ്‌നി പബ്ലിക്കേഷന്റെ എം ഡിയുമായ മാലിക്ക് മഖ്ബൂൽ വിജയികളെ പ്രഖ്യാപിച്ചു . സൗദിയിലെ കിഴക്കൻ മേഖലയിലെ കലാ സാംസ്ക്കാരിക സാഹിത്യ രംഗത്ത് കുറഞ്ഞ നാൾ കൊണ്ട് അടയാളപ്പെടുത്തപ്പെട്ട കൂട്ടായ്മയാണ് ജാം ക്രിയേഷൻസ് എന്നും , കല നന്മയ്ക്കായി എന്ന അവരുടെ തലവാചകം കാര്യപ്രസക്തമാണെന്നും , കലാ സാഹിത്യ രംഗത്ത് ജാം നൽകുന്ന പ്രോത്സാഹനം മാതൃകാപരമാണെന്നും വിജയികളെ പ്രഖ്യാപിച്ച് അദ്ദേഹം പറഞ്ഞു . മൻസൂർ പള്ളൂർ , സാജിദ് ആറാട്ടുപുഴ, മുഹമ്മദലി പീറ്റയിൽ. എന്നിവർ ആശംസകൾ അർപ്പിച്ചു .
ദമ്മാം റോസ് റെസ്റ്റോറന്റിൽ നടന്ന ചടങ്ങിൽ കിഴക്കൻ പ്രവിശ്യയിലെ കലാ സാഹിത്യ സാംസ്‌കാരിക സാമൂഹിക , മാധ്യമ രംഗങ്ങളിലെ പ്രമുഖർ പങ്കെടുത്തു. ജാം ക്രിയേഷൻസ് അധ്യക്ഷൻ സുബൈർ പുല്ലാളൂർ ആമുഖ ഭാഷണം നിർവഹിച്ചു. ഫീച്ചർ ക്ലിക്ക് എന്ന കഥ രചിച്ച പെരിന്തൽമണ്ണ സ്വദേശിയായ സലാഹുദ്ധീൻ അയ്യൂബിനുള്ള ഒന്നാം സമ്മാനമായ പതിനായിരത്തി ഒന്ന് രൂപയും , പ്രശംസാ ഫലകവും പ്രതിനിധിയായ മുഹമ്മദ് റഫീഖിന് മുഖ്യാഥിതി മാലിക്ക് മഖ്ബൂലും , അനന്തരം എന്ന കഥയിലൂടെ രണ്ടാം സമ്മാനത്തിന് അർഹയായ പൊന്മുണ്ടം സ്വദേശി ഡോ: സജിലാ എ.കെ യ്ക്കുള്ള അയ്യായിരത്തി രണ്ട് രൂപയും ,പ്രശംസാ ഫലകവും സാജിദ് ആറാട്ട്പുഴ പ്രതിനിധി സുനില സലീമിനും . അസുഹറ എന്ന കഥയിലൂടെ മൂന്നാം സ്ഥാനം കരസ്ഥമാക്കിയ തൃശൂർ ചാലക്കര സ്വദേശി അബ്ബാസ് മരക്കാർക്കുള്ള മൂവായിരത്തി മൂന്ന് രൂപയും പ്രശംസാ ഫലകവും മൻസൂർ പള്ളൂർ പ്രതിനിധി ത്വാഹയ്ക്ക്കും കൈമാറി . ജൂറി പാനലിന്റെ പ്രത്യേക പരാമർശത്തിന് വിധേയമായ കഥകളുടെ രചയിതാക്കളായ ഷനീബ് അബൂബക്കർ ( ഉള്ളാൾ ക്രോസിംഗ് ) ബിജു പൂതക്കുളം ( അനന്തരം ) കബീർ യൂസുഫ് ( അചല എന്ന സിംഹളപ്പെണ്ണ്) എന്നിവർക്കുള്ള പ്രശംസാ ഫലകങ്ങൾ അൻവർ ഷാഫി , ക്ലിയർ വിഷൻ മാനേജർ മുഹമ്മദ് അബ്ദുൽ ഖാദിർ , പാപ്പിലോട് മാനേജർ ജവാദ് എന്നിവർ വിതരണം ചെയ്തു .
ചെറുകഥ മൂല്യ നിർണ്ണയ ജൻഡ്‌ജിങ്‌ പാനൽ അംഗവും എഴുത്ത്കാരനും പത്രപ്രവർത്തകനുമായ സാജിദ് ആറാട്ട് പുഴ ലഭിച്ച രചനകളെ കുറിച്ചും, അതിന്റെ സാഹിത്യ സമ്പുഷ്ടതയെകുറിച്ചും സംസാരിച്ചു . ജഡ്ജിയും , ജഡ്ജിങ് പാനൽ കോഡിനേറ്ററുമായിരുന്ന സഈദ് ഹമദാനി വടുതല ഒന്നാം സമ്മാനം നേടിയ കഥയുടെ ആസ്വാദനം സദസ്സുമായി പങ്ക് വെച്ചു .
ശരീഫ് കൊച്ചി, സിദ്ദീഖ് ആലുവ, ഷമീർ പത്തനാപുരം , മെഹബൂബ് മുടവൻക്കാട്ടിൽ, ജോഷി ബാഷാ, അർഷദ് വാണിയമ്പലം എന്നിവർ നേതൃത്വം നൽകി . മിസ്അബ് സിനാൻ ഖിറാഅത്തും . അസ്‌ന അവതാരികയാമായിരുന്നു.