തായിഫ് – അല്‍വശാ ഡിസ്ട്രിക്ടില്‍ കൂറ്റന്‍ മരം കടപുഴകിവീണ് കാര്‍ നെടുകെ പിളര്‍ന്നു. ശക്തമായ മഴയിലും കാറ്റിലും അല്‍വശാ ഡിസ്ട്രിക്ടില്‍ ഏതാനും മരങ്ങള്‍ കടപുഴകിവീണിരുന്നു. കൂട്ടത്തില്‍ ഒരു മരം കാറിനു മുകളില്‍ പതിക്കുകയായിരുന്നു. ഇതിന്റെ ദൃശ്യങ്ങള്‍ അടങ്ങിയ വീഡിയോ സൗദി പൗരന്മാരില്‍ ഒരാള്‍ ചിത്രീകരിച്ച് സാമൂഹികമാധ്യമങ്ങളിലൂടെ പുറത്തുവിട്ടു.
ജിസാനില്‍ കാര്‍ ഒഴുക്കില്‍ പെട്ടു
ജിസാന്‍ – പ്രവിശ്യയിലെ താഴ്‌വരയില്‍ കാര്‍ ശക്തമായ മലവെള്ളപ്പാച്ചില്‍ പെട്ടു. കാറിന്റെ വിന്‍ഡോ വഴി പുറത്തുകടന്ന് രക്ഷപ്പെടാന്‍ ഡ്രൈവര്‍ ശ്രമിച്ചെങ്കിലും സാധിച്ചില്ല. ഇതിന്റെ ദൃശ്യങ്ങള്‍ അടങ്ങിയ വീഡിയോ ദൃക്‌സാക്ഷികള്‍ ചിത്രീകരിച്ച് സാമൂഹികമാധ്യമങ്ങളിലൂടെ പുറത്തുവിട്ടു. ഡ്രൈവര്‍ക്ക് എന്താണ് സംഭവിച്ചത് എന്ന് അറിവായിട്ടില്ല.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group