മുതിർന്ന മാധ്യമപ്രവർത്തകനും വനിത മുൻ എഡിറ്ററുമായ മണർകാട് മാത്യു അന്തരിച്ചു

കോട്ടയം: മുതിർന്ന മാധ്യമപ്രവർത്തകനും മലയാള മനോരമ മുൻ പത്രാധിപസമിതി അംഗവുമായിരുന്ന മണർകാട് മാത്യു (89)അന്തരിച്ചു. കോട്ടയം പ്രസ് ക്ലബ് പ്രസിഡന്റ്, വനിത മുൻ എഡിറ്റർ ഇൻ ചാർജ് എന്നീ പദവികളും വഹിച്ചിട്ടുണ്ട്.

സംസ്‌കാരം ബുധനാഴ്ച 12ന് മണർകാട് വിശുദ്ധ മർത്തമറിയം യാക്കോബായ സുറിയാനി കത്തീഡ്രലിൽ നടക്കും. മണർകാട് സെന്റ് മേരീസ് ആശുപത്രി മോർച്ചറിയിൽ സൂക്ഷിച്ച മൃതദേഹം നാളെ വൈകുന്നേരം അഞ്ചിന് മണർകാട് കുന്നേൽ തറവാട് വീട്ടിലെത്തിക്കുമെന്ന് ബന്ധുക്കൾ അറിയിച്ചു.