ജിദ്ദ: സൗദിയിൽ ഹ്രസ്വസന്ദർശനാർത്ഥം എത്തിയ കൊണ്ടോട്ടി സ്വദേശിയും പ്രമുഖ മുട്ടിപ്പാട്ട് ഗായകനുമായ കൊണ്ടോട്ടിക്കാരൻ ബാപ്പുട്ടിക്ക് കൊണ്ടോട്ടി സെന്റർ ജിദ്ദ സ്വീകരണം നൽകി. സ്വീകരണ ചടങ്ങ് കൊണ്ടോട്ടി സെന്റർ പ്രസിഡന്റ് മൊയ്തീൻ കോയ കടവണ്ടിയുടെ അധ്യക്ഷതയിൽ ഒരുമ ജനറൽ സെക്രട്ടറി സലീം മധുവായി ഉദ്ഘാടനം ചെയ്തു. ഹസ്സൻ കൊണ്ടോട്ടി,ലത്തീഫ് നാണി,ഷംസു പള്ളത്തിൽ എന്നിവർ ആശംസകൾ അർപ്പിച്ചു.
കൊണ്ടോട്ടി സെന്ററിന്റെ കീഴിലുള്ള വയനാട് പ്രളയദുരിതാശ്വാസ ഫണ്ടിന്റെ ഉദ്ഘാടനവും ചടങ്ങിൽ നടന്നു. കൊണ്ടോട്ടിക്കാരൻ ബാപ്പുട്ടിക്കുള്ള ഉപഹാരം കടവണ്ടി മൊയ്തീൻ കോയ നൽകി.കബീർ നീറാട് സ്വാഗതവും,റഫീഖ് മാങ്കായി നന്ദിയും പറഞ്ഞു. ഇർഷാദ് കളത്തിങ്ങൽ,ജംഷി കടവണ്ടി,അഷ്‌റഫ് കൊട്ടേൽസ്,ജാബിർ മധുവായി,കബീർ തുറക്കൽ,എ.ടി നസ്റുതങ്ങൾ,ഹിദായത്തുള്ള,ഷാലു വാഴയൂർ ,എ.ടി.റഫീഖ് അലി,നൗഷാദ് ആലങ്ങാടൻ,റഫീഖ് മധുവായി എന്നിവർ പരിപാടികൾക്ക് നേതൃത്വംനൽകി.