നാദാപുരത്ത് ബൈക്കുകൾ കൂട്ടിമുട്ടി ഒരാൾ മരിച്ചു

നാദാപുരം: പാറക്കടവ് പാലത്തിന് സമീപം ഇന്ന് രാവിലെ ബൈക്കുകൾ കൂട്ടിയിടിച്ച് മുടവന്തേരി സ്വദേശി അരയാമ്മല്‍ തറുവയി (67) യാണ് മരിച്ചത്. പാറക്കടവ് പാലത്തിനടുത്ത് വെച്ച് രാവിലെ ഒമ്പത് മണിയോടെയാണ് അപകടം നടന്നത്.

ഗുരുതരമായി പരിക്കേറ്റ ഇയാളെ നാദാപുരം താലൂക്ക് ആശുപത്രിയില്‍ പ്രവേശിപ്പിച്ചെങ്കിലും മരണപെട്ടു. മൃതദേഹം പോസ്റ്റ്‌മോര്‍ട്ടത്തിനായി വടകര ജില്ലാ ആശുപത്രിയിലേക്ക് മാറ്റി. ബൈക്ക് ഓടിച്ച സ്‌കൂള്‍ വിദ്യാര്‍ത്ഥിക്കും പരിക്കേറ്റിട്ടുണ്ട്.