ദമാമിൽ നിര്യാതനായ കോഴിക്കോട് സ്വദേശി അയ്യൂബിന്റെ മൃതദേഹം നാട്ടിൽ ഖബറടക്കി

ദമാം- കഴിഞ്ഞ ദിവസം ദമാമിൽ നിര്യാതനായ കോഴിക്കോട് അത്തോളി കുന്നത്തറ മേക്കുന്നത്ത് വീട്ടിൽ കൊടശ്ശേരി അയ്യൂബിന്റെ മയ്യിത്ത് ഇന്നലെ രാവിലെ കുന്നത്തറ ബദർ ജുമാ മസ്ജിദിൽ ഖബറടക്കി. കഴിഞ്ഞ ഞായറാഴ്ച രാവിലെയാണ് അയ്യൂബ് ദമാമിൽ ഹൃദയാഘാതം മൂലം മരണമടഞ്ഞത്.

അയ്യൂബ് മരിക്കുന്നതിന് തലേന്നാണ് ഭാര്യ ഫസ്‌ന മുസ്തഫയും മക്കളായ ഫാത്തിമ ഫിയ, ഹംദാൻ അയാൻ എന്നിവർ ദമാമിൽ നിന്നും നാട്ടിലേക്ക് മടങ്ങിയത്. അയ്യൂബിന്റെ വേർപാട് ഏറെ ദുഖത്തോടെയാണ് കുടുംബവും സുഹൃത്തുക്കളും ശ്രവിച്ചത്. മയ്യിത്ത് നാട്ടിലെത്തിക്കണമെന്ന കുടുംബത്തിന്റെ ആവശ്യത്തെ തുടർന്ന് സാമൂഹ്യ പ്രവർത്തകൻ ഹുസൈൻ നിലമ്പൂരും കെ എം സി സി നേതാവ് ഇഖ്ബാൽ ആനമങ്ങാടും ഇടപെട്ടു നടപടി ക്രമങ്ങൾ വേഗത്തിൽ പൂർത്തീകരിക്കുകയും ഒരു ദിവസം കൊണ്ട് തന്നെ മയ്യിത്ത് നാട്ടിലെത്തിക്കുകയും ചെയ്തു.