പാരീസ്: പാരീസ് 2024 ഒളിംപിക്സിന്റെ പുരുഷ ഡബിള്‍സ് ആദ്യ റൗണ്ടില്‍ ഇന്ത്യയുടെ രോഹന്‍ ബൊപ്പണ്ണ-എന്‍ ശ്രീറാം ബാലാജി സഖ്യം പുറത്തായി. ഫ്രാന്‍സിന്റെ ഗെയില്‍ മോണ്‍ഫില്‍സ്-എഡ്വാര്‍ഡ് റോജര്‍-വാസലിന്‍ സഖ്യത്തോട് നേരിട്ടുള്ള സെറ്റുകള്‍ക്കാണ് പരാജയം.
റോളണ്ട്-ഗാരോസിന്റെ കോര്‍ട്ട് 14-ല്‍ നടന്ന മല്‍സരം ഒരു മണിക്കൂര്‍ 16 മിനിറ്റു നീണ്ടു. സ്‌കോര്‍: 7-5, 6-2. രണ്ടാം റൗണ്ടില്‍ ഫ്രഞ്ച് സഖ്യം രണ്ടാം സീഡ് ജര്‍മ്മനിയുടെ ടിം പ്യൂറ്റ്സ്-കെവിന്‍ ക്രാവിറ്റ്സ് എന്നിവരെ നേരിടും.
നേരത്തെ, പുരുഷ സിംഗിള്‍സില്‍ ഇന്ത്യയുടെ ഏക പ്രാതിനിധ്യം, സുമിത് നാഗല്‍ ആദ്യ റൗണ്ടില്‍ ഫ്രഞ്ച് താരം കോറന്റൈന്‍ മൗറ്റെറ്റിനോട് മൂന്ന് സെറ്റുകള്‍ക്ക് പരാജയപ്പെട്ടു. ഈ തോല്‍വിയോടെ പാരീസ് ഒളിമ്പിക്സില്‍ ടെന്നീസില്‍ ഇന്ത്യയുടെ വെല്ലുവിളി അവസാനിച്ചിരിക്കുകയാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group