ന്യൂദൽഹി: രാകേഷ് സിൻഹ, രാം ഷക്കൽ, സോണാൽ മാൻസിംഗ്, മഹേഷ് ജഠ്മലാനി എന്നിവരുടെ കാലാവധി പൂർത്തിയായതോടെ രാജ്യസഭയിൽ ബി.ജെ.പിയുടെ ഭൂരിപക്ഷം കുറഞ്ഞു. നാലുപേരുടെ കുറവാണ് ബി.ജെ.പിക്കുള്ളത്. ഇതോടെ ബി.ജെ.പിയുടെ അംഗബലം 86 ആയും പാർട്ടി നയിക്കുന്ന നാഷണൽ ഡെമോക്രാറ്റിക് അലയൻസിന്റേത് 101 ആയും കുറഞ്ഞു. അതായത്, 245 അംഗ സഭയിൽ നിലവിലെ ഭൂരിപക്ഷമായ 113ൽ താഴെയാണ് എൻ.ഡി.എയുടെ അംഗസംഖ്യ. അതേസമയം, അവശേഷിക്കുന്ന ഏഴ് നോമിനേറ്റഡ് എം.പിമാരുടെയും ഒരു സ്വതന്ത്രൻ്റെയും പിന്തുണ എൻ.ഡി.എയ്ക്കുണ്ട്.
രാജ്യസഭയുടെ നിലവിലെ അംഗബലം 225 ആണ്. കോൺഗ്രസ് നയിക്കുന്ന ഇന്ത്യാ ബ്ലോക്കിന് 87 പേരാണുള്ളത്. കോൺഗ്രസിന് 26, തൃണമൂൽ 13, ആം ആദ്മി പാർട്ടിക്കും ഡിഎംകെയ്ക്കും 10 വീതം എന്നിങ്ങനെയാണ് അംഗസംഖ്യ. ബി.ജെ.പിയുമായോ കോൺഗ്രസുമായോ സഖ്യമില്ലാത്ത പാർട്ടികളും സ്വതന്ത്രരും നോമിനേറ്റഡ് അംഗങ്ങളുമാണ് ബാക്കി സീറ്റുകൾ കൈവശം വെച്ചിരിക്കുന്നത്.
രാജ്യസഭയില്‍ ബില്ലുകള്‍ പാസാക്കാന്‍ 12 അംഗങ്ങളുടെ കുറവാണ് ഇപ്പോള്‍ എന്‍.ഡി.എക്കുള്ളത്. 245 അംഗങ്ങളുള്ള രാജ്യസഭയില്‍ നിലവില്‍ 113 ആണ് ബില്ലുകള്‍ പാസാക്കാനാവശ്യമായ കേവല ഭൂരിപക്ഷം. നിലവില്‍ 225 അംഗങ്ങളാണ് രാജ്യസഭയിലുള്ളത്.
കോണ്‍ഗ്രസിന്റെ നേതൃത്വത്തിലുള്ള ഇന്ത്യ മുന്നണിക്ക് 87 അംഗങ്ങളാണുള്ളത്. ഇതില്‍ 26 പേര്‍ കോണ്‍ഗ്രസില്‍ നിന്നും 13 പേര്‍ തൃണമൂല്‍ കോണ്‍ഗ്രസുമാണ്. ആം ആദ്മി പാര്‍ട്ടി, ഡി.എം.കെ. എന്നീ പാര്‍ട്ടികള്‍ക്ക് 10 വീതം അംഗങ്ങളും രാജ്യസഭയിലുണ്ട്. തെലങ്കാന മുന്‍ മുഖ്യമന്ത്രി കെ. ചന്ദ്രശേഖര്‍ റാവുവിന്റെ ബി.ആര്‍.എസ് ഉള്‍പ്പെടെ ബി.ജെ.പിയുമായോ കോണ്‍ഗ്രസുമായോ സഖ്യത്തിലില്ലാത്ത പാര്‍ട്ടികളുടെ അംഗങ്ങളും നാമനിര്‍ദേശം ചെയ്യപ്പെട്ടവരും സ്വതന്ത്രരുമാണ് ബാക്കിയുള്ളവര്‍.
കേവലഭൂരിപക്ഷമില്ലെങ്കിലും രാജ്യസഭയില്‍ ബില്ലുകള്‍ പാസാക്കാനുള്ള സാധ്യത ബി.ജെ.പിക്ക് മുന്നില്‍ ഇനിയുമുണ്ട്. ഒരുസഖ്യത്തിലുമില്ലാത്ത പാര്‍ട്ടികളെ ഒപ്പം കൂട്ടുക മാത്രമാണ് ബി.ജെ.പിക്ക് മുന്നിലുള്ള ഏകമാര്‍ഗം. തമിഴ്‌നാട്ടിലെ മുന്‍ സഖ്യകക്ഷിയായ എ.ഐ.എ.ഡി.എം.കെ, ആന്ധ്രപ്രദേശിലെ ജഗന്‍ മോഹന്റെ വൈ.എസ്.ആര്‍. കോണ്‍ഗ്രസ് എന്നിവ ഉള്‍പ്പെടെയുള്ള പാര്‍ട്ടികളെ ഒപ്പം നിര്‍ത്താന്‍ കഴിഞ്ഞാല്‍ ബി.ജെ.പിക്ക് ബില്ലുകള്‍ രാജ്യസഭ കടത്താം. വൈ.എസ്.ആര്‍. കോണ്‍ഗ്രസിന് 11 അംഗങ്ങളും എ.ഐ.എ.ഡി.എം.കെയ്ക്ക് 4 അംഗങ്ങളുമാണ് രാജ്യസഭയിലുള്ളത്.
ഈ വർഷം നടക്കാനിരിക്കുന്ന നാല് നോമിനേറ്റഡ് സീറ്റുകളും ഒഴിവുള്ള 11 സീറ്റുകളിലേക്കുള്ള തിരഞ്ഞെടുപ്പും പൂർത്തിയാകുന്നതുവരെ ബിജെപിക്ക് രാജ്യസഭയിൽ ഇതായിരിക്കും അവസ്ഥ. ഇതിൽ എട്ട് സീറ്റുകളെങ്കിലും ബി.ജെ.പിക്ക് ലഭിക്കുമെന്നാണ് കരുതുന്നത്.