കോട്ടയം – ലോക്സഭാ തിരഞ്ഞെടുപ്പ് ഫലം ഇടതുപക്ഷത്തിന് തിരുത്തലുകൾ ആവശ്യമാണെന്ന് തെളിയിക്കുന്നതാണെന്ന് കേരള കോൺഗ്രസ് എം ചെയർമാൻ ജോസ് കെ മാണി എം.പി. കോട്ടയം പ്രസ് ക്ലബ്ബിൻറെ മുഖാമുഖം പരിപാടിയിൽ സംസാരിക്കുകയായിരുന്നു അദ്ദേഹം. തെരഞ്ഞെടുപ്പിൽ ഇടതുപക്ഷത്തിന് വലിയ പരാജയം ഉണ്ടായിട്ടുണ്ട്.ആ ജനവിധി മാനിക്കുന്നു, ഉൾക്കൊള്ളുന്നു
ഇടതുപക്ഷത്തെ സ്നേഹിക്കുന്ന ഒരുപാട് ആളുകൾ ഉണ്ട്. അവർ അകന്നിട്ടുണ്ട്.അവരുടെ പ്രതീക്ഷയ്ക്കൊപ്പം ഉയരാൻ സാധിച്ചിട്ടില്ല.അതിനാൽ തിരുത്തലുകൾ ആവശ്യമാണ്. എന്താണെന്ന് പരിശോധിച്ച് തിരുത്തലുകൾ വരുത്തണം.കൂടിയാലോചനകളിൽ കൂടി വേണം തിരുത്തൽ നടത്താൻ
മുഖ്യമന്ത്രിയുടെ പാലാ പ്രസംഗമാണോ തോമസ് ചാഴികാടൻ്റെ തോൽവിക്ക് കാരണമായത് എന്ന ചോദ്യത്തിന് ഒരു പ്രസംഗം കൊണ്ട് ഒരാൾ തോൽക്കും എന്ന് കരുതുന്നില്ലയെന്നു ജോസ് കെ മാണി മറുപടി നൽകി. ഇടതുമുന്നണിക്ക് കൂട്ടുത്തരവാദിത്തം ഉണ്ട് എന്നതാണ് പാർട്ടി നിലപാട്. വിജയത്തിലെന്നപോലെ പരാജയത്തിലും എല്ലാവർക്കും ഉത്തരവാദിത്വമുണ്ട്
ഒരാളെ മാത്രം കുറ്റം പറഞ്ഞിട്ട് കാര്യം ഇല്ലയെന്നും ജോസ് കെ മാണി പറഞ്ഞു. മുഖ്യമന്ത്രിയുടെ പാലായിലെ പ്രസംഗമാണ് തോൽവിക്ക് കാരണ മെന്ന് തോമസ് ചാഴിക്കാടൻ പാർട്ടി ഉന്നതികാര സമിതി
യോഗത്തിൽ വിമർശന മുന്നയിച്ചിരുന്നു. എന്നാൽ ജോസ് കെ മാണി.മുഖ്യമന്ത്രിയെ കുറ്റപ്പെടുത്തിയില്ല.