മലപ്പുറത്ത് ഓടിക്കൊണ്ടിരിക്കെ ഇലക്ട്രിക് സ്കൂട്ടർ കത്തി നശിച്ചു

മലപ്പുറം- മലപ്പുറം ജില്ലയിലെ എടവണ്ണയിൽ ഓടിക്കൊണ്ടിരിക്കെ ഇലക്ട്രിക് സ്കൂട്ടർ കത്തി നശിച്ചു. പത്തപ്പിരിയം സ്വദേശി കള്ളാത്ത് ജസീർ ബാബുവിന്റെ ഇലക്ട്രിക് സ്കൂട്ടറാണ് കത്തി നശിച്ചത്. വാഹനത്തിൽനിന്ന് പുക ഉയരുന്നത് കണ്ട് യാത്ര ചെയ്യുകയായിരുന്ന ആളും കുട്ടികളും വാഹനത്തിൽനിന്ന് ഇറങ്ങിയതിനാൽ ആളപായം സംഭവിച്ചില്ല. സ്കൂട്ടർ പൂർണ്ണമായും കത്തി നശിച്ചു. സ്കൂട്ടറിൽനിന്ന് പുക ഉയരുന്നത് കണ്ട നാട്ടുകാരാണ് സംഭവം അറിയിച്ചത്. തുടർന്ന് യാത്രക്കാരും കുട്ടികളും വാഹനത്തിൽനിന്ന് ഇറങ്ങുകയായിരുന്നു.