റായ്ബറേലിയിലെയും വയനാട്ടിലെയും ജനങ്ങൾ തനിക്ക് ഒരുപോലെ, ധർമ്മ സങ്കടത്തിലെന്നും രാഹുൽ

മലപ്പുറം: റായ്ബറേലിയിലെയും വയനാട്ടിലെയും ജനങ്ങൾ തനിക്ക് ഒരു പോലെയാണെന്നും ഏത് മണ്ഡലം നിലനിർത്തണം എന്ന കാര്യത്തിൽ ധർമ്മസങ്കടമുണ്ടെന്നും തുറന്നുപറഞ്ഞ് രാഹുൽ ഗാന്ധി. മലപ്പുറം ജില്ലയിലെ എടവണ്ണയിൽ പൊതുയോഗത്തിൽ സംസാരിക്കുകയായിരുന്നു രാഹുൽ.

മോദിജിക്ക് എല്ലാം പറഞ്ഞുകൊടുക്കുന്നത് ദൈവമാണ്. എന്നാൽ താൻ ഒരു സാധാരണ മനുഷ്യനാണ്. അദാനിയും അംബാനിയും പറയുന്നത് പോലെയാണ് ആ പരമാത്മാവ് (മോദി) തീരുമാനമെടുക്കുന്നതെന്നും രാഹുൽ പറഞ്ഞു.
തെരഞ്ഞെടുപ്പ് പോരാട്ടം ഭരണഘടനയെ സംരക്ഷിക്കാനായിരുന്നു. ഭരണഘടന ഇല്ലാതായാൽ പാരമ്പര്യം ഇല്ലാതാകുമെന്നും അത് ഉയർത്തിപ്പിടിച്ചുകൊണ്ട് പറഞ്ഞു.