റിയാദ്- 36 വര്‍ഷത്തെ പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന ആലപ്പുഴ വളഞ്ഞ വഴി സ്വദേശി മുഹമ്മദ് കോയക്ക് റിയാദിലെ ആലപ്പുഴ കൂട്ടായ്മയായ ഈസ്റ്റ് വെനീസ് അസോസിയേഷന്‍ യാത്രയയപ്പ് നല്‍കി.
സൗദി അറേബ്യ യിലെ പ്രമുഖ ഫാസ്റ്റ് ഫുഡ് ചെയിന്‍ ആയ ഹെര്‍ഫി ഫുഡ് സര്‍വീസ് കമ്പനിയില്‍ വിവിധ തസ്തികളില്‍ ജോലി ചെയ്ത ശേഷം ഔട്ട്‌ലെറ്റ് മാനേജര്‍ ആയാണ് വിരമിക്കുന്നത്.
ഹയ്യുല്‍ സലാമിലെ സ്‌പൈസി വേള്‍ഡ് റെസ്റ്റോറന്റില്‍ നടന്ന യാത്രയയപ്പ് ചടങ്ങില്‍ സെക്രട്ടറി മുഹമ്മദ് മൂസ ആമുഖ പ്രസംഗം നടത്തി. പ്രസിഡന്റ് ആന്റണി വിക്ടര്‍ ഉപഹാരം കൈമാറി. ജലീല്‍ പുന്നപ്ര, ഹാഷിം ചീയാംവെളി, ഷാജി പുന്നപ്ര, നൗമിത ബദര്‍, നിസാര്‍ മുസ്തഫ, സിജു പീറ്റര്‍, ആസിഫ് ഇഖ്ബാല്‍, റീന സിജു, ബദര്‍ കാസിം, ഫാരിസ് സൈഫ് എന്നിവര്‍ ആശംസകള്‍ നേര്‍ന്നു. സീന നിസാര്‍, ഹസീന ആസിഫ് എന്നിവരും സന്നിഹിതരായിരുന്നു
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group