ജിദ്ദ – ജിദ്ദ, മക്ക എക്‌സ്പ്രസ്‌വേയിലെ ശുമൈസി ചെക്ക് പോസ്റ്റില്‍ ഹൈവേ സുരക്ഷാ സേനക്കു കീഴില്‍ ഫീല്‍ഡ് മോണിട്ടറിംഗ് സെന്റര്‍ തുറന്നു. ശുമൈസി സെക്യൂരിറ്റി ഫോഴ്‌സസ് കമാന്‍ഡ് ആസ്ഥാനത്ത് നടത്തിയ സന്ദര്‍ശനത്തിനിടെ പൊതുസുരക്ഷാ വകുപ്പ് മേധാവി ജനറല്‍ മുഹമ്മദ് അല്‍ബസ്സാമി അത്യാധുനിക സാങ്കേതികവിദ്യകളോടെ സജ്ജീകരിച്ച സെന്റര്‍ ഉദ്ഘാടനം ചെയ്തു.
റോഡുകളും സൈറ്റുകളും നിരീക്ഷിക്കാന്‍ ഉപയോഗിക്കുന്ന നൂതന സാങ്കേതികവിദ്യകളും, സുരക്ഷാ-ട്രാഫിക് സംവിധാനങ്ങള്‍ അടങ്ങിയ മൊബൈല്‍ ചെക്ക് പോസ്റ്റും സി.സി.ടി.വി സംവിധാനവും അടുത്തിടെ ഹൈവേ സുരക്ഷാ സേന ഏര്‍പ്പെടുത്തിയ ഔദ്യോഗിക, രഹസ്യ സ്മാര്‍ട്ട് പട്രോളിംഗ് വാഹനങ്ങളും പൊതുസുരക്ഷാ വകുപ്പ് മേധാവി വീക്ഷിച്ചു. ഹജ് തീര്‍ഥാടകരുടെ സുരക്ഷ ലക്ഷ്യമിടുന്ന സുരക്ഷാ, ട്രാഫിക് പദ്ധതികളുടെ നടപ്പാക്കലും പൊതുസുരക്ഷാ വകുപ്പ് മേധാവി വീക്ഷിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group