തിരുവനന്തപുരം – വോട്ടെണ്ണല്‍ നടപടികളുടെ ആദ്യ പടിയായ സ്‌ട്രോങ് റൂമുകള്‍ തുറന്നു തുടങ്ങി. രാജ്യം ആര് ഭരിക്കുമെന്നറിയാന്‍ ആകാംക്ഷയില്‍ കാത്തിരിക്കുകയാണ് ജനങ്ങള്‍. കേരളത്തില്‍ ആര്‍ക്കായിരിക്കും ഭൂരിപക്ഷം സീറ്റുകളും ലഭിക്കുകയെന്ന് മലയാളികള്‍ ഉറ്റു നോക്കുകയാണ്. രാജ്യത്ത് പൊതുവെയും വിവിധ സംസ്ഥാനങ്ങളിലും ഏല്ലാ മുന്നണികള്‍ക്കും ചങ്കിടിപ്പേറുകയാണ്. എട്ടരയോടെ ആദ്യ സൂചനകള്‍ പുറത്ത് വരും. ആദ്യം പോസ്റ്റല്‍ വോട്ടുകളാണ് എണ്ണുക. ഒന്‍പത് മണിയോടെ വോട്ടിംഗ് മെഷിനിലെ വോട്ടുകള്‍ എണ്ണിത്തുടങ്ങും.
സംസ്ഥാനത്ത് എല്ലായിടത്തും വോട്ടുപെട്ടികള്‍ സൂക്ഷിച്ച സ്‌ട്രോങ് റൂമുകള്‍ തുറന്നു. എട്ട് മണിയോടെയാണ് വോട്ടെണ്ണല്‍ കേന്ദ്രത്തിലേക്ക് വോട്ടിങ് മെഷീനുകള്‍ മാറ്റുക. എട്ട് മണിയോടെ പോസ്റ്റല്‍ വോട്ടുകള്‍ എണ്ണിത്തുടങ്ങും. ഇതിന് പിന്നാലെ വോട്ടിങ് മെഷീനുകളും എണ്ണിത്തുടങ്ങും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group