ജിദ്ദ: കെ.എം.സി.സി സൗദി നാഷണൽ കമ്മിറ്റി സംഘടിപ്പിക്കുന്ന ദേശീയ ഫുട്ബോളിനോടനുബന്ധിച്ച് ലക്കീ ഡ്രോ കൂപ്പൺ പുറത്തിറക്കി. ജിദ്ദ കെ.എം.സി.സി സെൻട്രൽ കമ്മിറ്റി ഓഫീസിൽ നടന്ന ചടങ്ങിൽ ആയിരുന്നു പ്രകാശനം.
പ്രമുഖ ജ്വല്ലറിയായ സോണാ ജ്വല്ലേഴ്സും ഗ്ലോബൽ ട്രാവൽ ആന്റ് ടൂർസും ചേർന്ന് 20 പവൻ സ്വർണ്ണ നാണയമാണ് സമ്മാനമായി നൽകുന്നത്. പ്രകാശന കർമ്മം നാഷണൽ വൈസ് പ്രസിഡൻ്റ് ഉസ്മാൻ അലി പാലത്തിങ്ങൽ ആക്ടിംഗ് പ്രസിഡന്റ് റസാഖ് മാസ്റ്റർ വി.പി മുസ്തഫ എന്നിവർക്ക് കൈമാറി.
ടൂർണ്ണമെൻ്റ് കമ്മിറ്റി കോ- ഓർഡിനേറ്റർ മുജീബ് ഉപ്പട, സെൻട്രൽ ഭാരവാഹികളായ ഇസ്മായിൽ മുണ്ടക്കുള , എ.കെ ബാവ, ഇസ്ഹാഖ് പുണ്ടോളി, അഷ്റഫ് താഴെക്കോട്, ശിഹാബ് താമരക്കുളം, ഹസ്സൻ ബത്തേരി, സാബിൽ മമ്പാട്, ഹുസൈൻ കരിങ്കറ, ജലാൽ തേഞ്ഞിപ്പലം, സിറാജ് കണ്ണവം, സുബൈർ വട്ടോളി, ഷൗക്കത്ത് ഞാറക്കോടൻ, ലത്തീഫ് മുസല്യാരങ്ങാടി, സക്കീർ മണ്ണാർക്കാട് എന്നിവർ ചടങ്ങിൽ സംബന്ധിച്ചു.