കോട്ടുകാൽ കവികൾ സാംസ്‌കാരിക വേദി കാവ്യസംഗമവും പുസ്തകപ്രകാശനവും നടത്തി

കോട്ടുകാൽ കവികൾ സാംസ്‌കാരിക വേദിയുടെ പ്രതിമാസ കാവ്യസംഗമവും പുസ്തകപ്രകാശനവും നെല്ലിമൂട് ദേശാഭിവർദ്ധിനി ഗ്രന്ഥശാലയിൽ സംഘടിപ്പിച്ചു. പ്രശസ്ത നിരൂപകൻ ഡോ പി സോമൻ ഉദ്ഘാടനം ചെയ്തു. കോട്ടുകാൽ രാജേന്ദ്രൻ രചിച്ച പാമരവിളക്ക് കവിതസമാഹാരം പ്രശസ്ത കവി ഏഴാച്ചേരി രാമചന്ദ്രൻ മലയാളം മിഷൻ രജിസ്ട്രാർ വിനോദ് വൈശാഖിക്ക് നൽകി പ്രകാശനം ചെയ്തു.
പ്രഭാത് ബുക്സ് ഡയറക്ടർ പ്രൊ എം ചന്ദ്രബാബു അധ്യക്ഷത വഹിച്ചു. ഡോ ഉഷ സതീഷ് പുസ്തകം പരിചയപ്പെടുത്തി. ഗ്രന്ഥശാല സഹകരണസംഘം സെക്രട്ടറി കെ രാജൻ, ഡി അനിൽകുമാർ, സതീഷ് കിടാരക്കുഴി, ഗ്രന്ഥശാല പ്രസിഡന്റ് റ്റി ചന്ദ്രൻ, സെക്രട്ടറി വി സി റസ്സൽ, വേദി പ്രസിഡന്റ് ശ്യാമപ്രസാദ് കോട്ടുകാൽ, സെക്രട്ടറി വിജേഷ് ആഴിമല, നെല്ലിമൂട് രാജേന്ദ്രൻ, മധു മുല്ലൂർ എന്നിവർ സംസാരിച്ചു തുടർന്ന് ജാനു കാഞ്ഞിരംകുളത്തിന്റെ അധ്യക്ഷതയിൽ നടന്ന കാവ്യസംഗമം പയറ്റുവിള സോമൻ ഉദ്ഘാടനം ചെയ്തു നിരവധി കവികൾ കവിത ചൊല്ലി.