കോഴിക്കോട് മെഡിക്കൽ കോളേജിൽനിന്ന് എം.ബി.ബി.എസ് പൂർത്തിയാക്കിയ ഫാത്തിമ നൗറീന് കെ.എം.സി.സിയുടെ അനുമോദനം

മക്ക- കോഴിക്കോട് മെഡിക്കൽ കോളേജിൽനിന്ന് എം.ബി.ബി.എസ് പരീക്ഷയിൽ മികച്ച വിജയം നേടിയ സി ഫാത്തിമ നൗറീനെ മക്ക ഹറം കെ.എം.സി.സി അഭിനന്ദിച്ചു. ഹറം കെ.എം.സി.സി ട്രഷററും ആർക്കോട്ട് ബിൽഡിംഗിൽ സൂപ്പർവൈസറുമായ ചെറുശേരി സുലൈമാന്റെ മകളാണ് ഫാത്തിമ നൗറീൻ. കൊണ്ടോട്ടി തുറക്കൽ ഹിദായത്ത് സ്കൂളിൽനിന്ന് പത്താം ക്ലാസും ഇ.എം.ഇ.എ സ്കൂളിൽനിന്ന് പ്ലസ് ടു പഠനവും പൂർത്തിയാക്കിയ ശേഷമാണ് നൗറീൻ കോഴിക്കോട് മെഡിക്കൽ കോളേജിൽ എം.ബി.ബി.എസിന് ചേർന്നത്. മകളെ ഉപരിപഠനത്തിന് അയക്കുമെന്ന് സുലൈമാൻ പറഞ്ഞു.