ആലുവ: സൗദി അറേബ്യയിലെ അൽകമീസ് കമ്പനിയിൽ ജോലി ചെയ്തവരുടെ കൂട്ടായ്മ നടത്തുന്ന കുടുംബസംഗമം നാളെ ആലുവയിൽ നടക്കും. ആലുവ വൺസ് അപ്പോൺ റിസോർട്ടിൽ രാവിലെ 10 ന് സംഗമം ആരംഭിക്കും. അൽ കമീസ് കമ്പനിയിൽ ജോലി ചെയ്തിരുന്നവരുടെ നൂറ്റമ്പതോളം കുടുംബങ്ങൾ സംഗമത്തിൽ പങ്കെടുക്കുമെന്ന് കോ-ഓർഡിനേറ്റർ പി. എച്ച് ഷാജി ചങ്ങനാശേരി അറിയിച്ചു.
വിവിധ പരീക്ഷകളിൽ ഉന്നത വിജയം നേടിയ വിദ്യാർഥികളെ ചടങ്ങിൽ അനുമോദിക്കും. എം എം അബ്ദുള്ള സംഗമം ഉദ്ഘാടനം ചെയ്യും. അബ്ദുൽ റസാഖ് അധ്യക്ഷത വഹിക്കും. അലിക്കുഞ്ഞ് ആലുവ അനുസ്മരണം നടത്തും.
അൻസാരി ആലപ്പുഴ, സുബൈർ ആലുവ, ഓമനക്കുട്ടൻ, അബ്ദുൽ റസാഖ്, എൻ എം റഹീം, അഷ്റഫ് പി ടി, അസീസ് ചോമ്പോല തുടങ്ങിയവർ വിവിധ വിഷയങ്ങളിൽ സംസാരിക്കും. സംഗമത്തിന്റെ ഭാഗമായി വിവിധ കലാപരിപാടികളും അരങ്ങേറും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group