ന്യൂദല്ഹി – നരേന്ദ്ര മോഡിയുടെ അടുത്ത ലക്ഷ്യം പിണറായി, മമത സര്ക്കാരുകളെന്ന് ദല്ഹി മുഖ്യമന്ത്രി അരവിന്ദ് കെജ്രിവാള്. താന് രാജി വച്ചാല് അടുത്ത ഉന്നം കേരളവും ബംഗാളും ആയിരിക്കും. തന്നെ തകര്ക്കാനാണ് സ്വാതി മാലിവാള് വിവാദം ശക്തമാക്കുന്നത്. നരേന്ദ്ര മോഡി അടുത്ത വര്ഷം വിരമിക്കും. അമിത് ഷായെ പിന്ഗാമിയാക്കാനാണ് മോഡിയുടെ താത്പര്യം. എന്നാല് ബി ജെ പിയില് ഇതില് വലിയ എതിര്പ്പുണ്ടെന്നും കെജ്രിവാള് പറഞ്ഞു. അതേസമയം, തന്നെ തൂക്കി കൊന്നാലും ആം ആദ്മി പാര്ട്ടി അവസാനിക്കില്ലെന്ന് അരവിന്ദ് കെജ്രിവാള് വ്യക്തമാക്കി. ജയിലിലേക്ക് മടങ്ങി പോകാന് തനിക്ക് ഭയമോ ആശങ്കയോ ഇല്ല. ജൂണ് ഒന്നിന് ജാമ്യം അവസാനിക്കാനിരിക്കെയാണ് കെജ്രിവാളിന്റെ പ്രതികരണം.
ജയിലില് കഴിഞ്ഞപ്പോള് തന്റെ സെല്ലില് നാല് പാടും സിസിടിവി ക്യാമറകള് വഴി ജയില് അധികൃതരും പ്രധാനമന്ത്രിയുടെ ഓഫീസും തന്നെ നിരീക്ഷിക്കുകയായിരുന്നെന്നും കെജ്രിവാള് ആരോപിച്ചു. നേരത്തെ സ്വാതി മാലിവാളിന്റെ പരാതിയില് തന്റെ വയോധികരായ മാതാപിതാക്കളെ ദല്ഹി പോലീസ് ചോദ്യം ചെയ്യുമെന്ന് കെജ്രിവാള് സാമൂഹിക മാധ്യമത്തിലൂടെ ആരോപിച്ചതോടെപൊലീസ് ഈ ശ്രമം ഉപേക്ഷിച്ചിരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group