ജിദ്ദ: മലപ്പുറം ജില്ലയിലെ പുളിക്കൽ പ്രദേശത്തുള്ളവരുടെ ജിദ്ദയിലെ കൂട്ടായ്മയായ ജിദ്ദ പുളിക്കൽ ചാപ്റ്ററിന്റെ ഈ വർഷത്തെ സംഗമം, പുളിക്കൽ ഫെസ്റ്റ് 2024 ഈ മാസം 17 ന് ജിദ്ദ മെർസെൽ വില്ലേജ് അമ്യൂസ്‌മെൻറ്‌ പാർക്കിന് സമീപം സഫ്‌വാ ഇസ്തിറാഹയിൽ നടക്കും. ആറാം വാർഷികമാണ് ഇക്കുറി നടക്കുന്നത്.
രാവിലെ 9 മുതൽ രാത്രി പതിനൊന്നര വരെയാണ് സംഗമം. കുട്ടികൾക്കും , മുതിർന്നവർക്കും, സ്ത്രീകൾക്ക് പ്രത്യേകമായും, കലാ കായിക പരിപാടികൾ സംഗമത്തിന്റെ പ്രത്യേകതയാണ്. പ്രമുഖ ഗായകൻ -ജമാൽ പാഷ പുളിക്കലിൻ്റെ ഗാനമേളയും ഒരുക്കിയിട്ടുണ്ടെന്ന് സംഘാടകർ അറിയിച്ചു.
വിപുലമായ സൗകര്യങ്ങളുള്ള സ്ഥലത്താണ് ഇത്തവണ സംഗമം നടക്കുന്നതതെന്നും ബന്ധപ്പെട്ടവർ വ്യക്തമാക്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group