തിരുവനന്തപുരം- കഴിഞ്ഞ പിണറായി സര്ക്കാരിന്റെ കാലത്ത് അഞ്ചു വര്ഷത്തിനിടെ 787 പഴ്സണല് സ്റ്റാഫുകളെ നിയമിച്ചു എന്ന ആരോപണത്തിൽ ഉറച്ചുനിൽക്കുകയാണെന്ന് മുഖ്യമന്ത്രി വി.ഡി സതീശൻ. വാര്ത്താ സമ്മേളനത്തില് പറഞ്ഞതില് ഉറച്ചു നില്ക്കുകയാണെന്നും സതീശൻ വ്യക്തമാക്കി. കഴിഞ്ഞ സർക്കാരിന്റെ കാലത്ത് ആകെ 500 ല് താഴെ പഴ്സണല് സ്റ്റാഫാണ് ഉണ്ടായിരുന്നതെന്നും മുഖ്യമന്ത്രി പട്ടിക പ്രസിദ്ധീകരിക്കണമെന്നുമാണ് പ്രതിപക്ഷ നേതാവ് ആവശ്യപ്പെട്ടിരിക്കുന്നതെന്നും 2021-2026 കാലയളവില് മുഖ്യമന്ത്രിയും മന്ത്രിമാരും നിയമിച്ച പഴ്സണല് സ്റ്റാഫംഗങ്ങളുടെ പേര് മാത്രമല്ല, അവരുടെ വിലാസം ഉള്പ്പെടെയുള്ള വിശദാംശങ്ങളും നല്കാന് തയാറാണെന്നും സതീശൻ പറഞ്ഞു.
പഴ്സണല് സ്റ്റാഫംഗങ്ങളെ കൂടാതെ മുഖ്യമന്ത്രിയുടെ സോഷ്യല് മീഡിയ ഹാന്ഡിലുകളുടെ പരിപാലനത്തിനും കഴിഞ്ഞ സര്ക്കാരിന്റെ കാലത്ത് 12 പേരെ നിയോഗിച്ചിരുന്നു. 75,000 മുതല് 22,290 വരെയുള്ള ശമ്പള സ്കെയിലിലാണ് ഇവരെ നിയമിച്ചത്. 2025 ൽ ഇവരുടെ ശമ്പളം വർധിപ്പിച്ചും ഉത്തരവിറക്കി. ഒരു മാസം ഏഴു ലക്ഷം രൂപയിലധികവും ഒരു വര്ഷം 84 ലക്ഷം രൂപയിലധികവും സോഷ്യല് മീഡിയ പരിപാലനത്തിന് മാത്രം ചെലവാക്കിയ സര്ക്കാരാണ് പിണറായി വിജയന്റേത്. ഇതൊക്കെ ചെയ്തവരാണ് പഴ്സണല് സ്റ്റാഫംഗങ്ങളുടെ പേരില് യു.ഡി.എഫ് സര്ക്കാരിനെ അധിക്ഷേപിക്കാന് ശ്രമിക്കുന്നത്. അനുവദിക്കപ്പെട്ട പരിധിയില് കൂടുതല് പഴ്സണല് സ്റ്റാഫുകളെ ഈ സര്ക്കാര് നിയമിച്ചിട്ടില്ലെന്നും സതീശൻ വ്യക്തമാക്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group