ജിദ്ദ: മൂന്നു പതിറ്റാണ്ടിൻ്റെ അനുസ്യൂത ഹജ്ജ് സന്നദ്ധ സേവന പ്രവർത്തനങ്ങളുടെ ഗിരിമ നിലനിർത്തി 2024 ൽ മുൻ വർഷങ്ങളെപ്പോലെ ഹജ്ജ് വോളണ്ടിയർ പ്രവർത്തനങ്ങൾക്ക് സജ്ജമാണെന്ന് ഫോറം നേതൃത്വം അറിയിച്ചു.
ഇന്ത്യൻ കോൺസുലേറ്റിൻ്റെ ഉപദേശ നിർദ്ദേശങ്ങൾക്കനുസൃതമായി പ്രവർത്തനങ്ങൾ നിർവ്വഹിക്കും.
നേതൃ സംഗമത്തോടനുബന്ധിച്ച ചർച്ചകളിൽ അംഗസംഘടനകളുടെ പ്രതിനിധികൾ പങ്കെടുത്തു. ഹജ്ജ് വോളണ്ടിയർ പ്രവർത്തനങ്ങളിൽ എല്ലാവരേയും ഉൾക്കൊള്ളുന്ന സമീപനമാണ് ഫോറം തുടക്കം മുതലേ സ്വീകരിച്ചു പോരുന്നത്.
ഈ വർഷം സേവന പ്രവർത്തനങ്ങൾ നിർവ്വഹിക്കാനാഗ്രഹിക്കുന്നവർ ഫോറത്തിൻ്റെ നിർദ്ദിഷ്ഠ അപേക്ഷാ ഫോറം ഓൺലൈനായി മേയ് 14 നു മുമ്പായി പൂരിപ്പിക്കണമെന്ന് ഫോറം അറിയിച്ചു.
ഫോറം ചെയർമാൻ നസീർ വാവാക്കുഞ്ഞ് അധ്യക്ഷത വഹിച്ചു. ജനറൽ സെക്രട്ടറി സെയ്നുൽ ആബിദ് സ്വാഗതമാശംസിച്ചു.
കോർഡിനേറ്റർ സി എച്ച് ബഷീർ പ്രവർത്തനങ്ങൾക്കുള്ള മാർഗ്ഗ നിർദ്ദേശം നൽകി. ജനറൽ സെക്രട്ടറി റിപ്പോർട്ടവതരിപ്പിച്ചു.
അംഗസംഘടനകളെ പ്രതിനിധീകരിച്ച് അഹ്മദ് പാളയാട്ട് ഹക്കീം പാറക്കൽ, ഷിബു തിരുവനന്തപുരം, അബ്ദുൽ റഹീം ഒതുക്കുങ്ങൽ, വി.പി. മുസ്തഫ, അസ്ഹാബ് വർക്കല, ഇസ്മായിൽ മുണ്ടക്കുളം, എം പി അഷ്റഫ് പാപ്പിനിശ്ശേരി, റസാഖ് മാഷ്, അഷ്റഫ് വടക്കേക്കാട്, നാസർ കോഴിത്തൊടി എന്നിവർ ചർച്ചകളിൽ പങ്കെടുത്തു
