ദമ്മാം: ജിദ്ദ ആസ്ഥാനമായി പ്രവർത്തിക്കുന്ന പ്രമുഖ ബിസിനസ് കൺസൾട്ടൻസി സ്ഥാപനമായ ‘ക്രിയേറ്റീവ് ബിസ്’ (CREATIVE BIZ) ദമ്മാമിൽ പുതിയ ബ്രാഞ്ച് തുറന്നു. സിസ്മോ ബിൽഡിങ്ങിൽ സജ്ജീകരിച്ച പുതിയ ഓഫീസിന്റെ ഉദ്ഘാടനം കമ്പനി സി.ഇ.ഒ ലത്തീഫ് പുളിക്കൽ നിർവഹിച്ചു.
സൗദി അറേബ്യയിൽ പ്രവാസി സംരംഭകർക്ക് 100 ശതമാനം ഉടമസ്ഥാവകാശത്തോടെ നിയമപരമായി ബിസിനസ് ആരംഭിക്കുന്നതിനും വ്യാപിപ്പിക്കുന്നതിനുമുള്ള സേവനങ്ങൾ നൽകുന്ന സ്ഥാപനമാണ് ക്രിയേറ്റീവ് ബിസ്. കഴിഞ്ഞ അഞ്ചു വർഷത്തിലേറെയായി ഈ മേഖലയിൽ പ്രവർത്തിക്കുന്ന കമ്പനിയുടെ പുതിയ ശാഖ നിലവിൽ വന്നതോടെ കിഴക്കൻ പ്രവിശ്യയിലെ പ്രവാസി ബിസിനസ് സമൂഹത്തിന് സേവനങ്ങൾ കൂടുതൽ വേഗത്തിലും എളുപ്പത്തിലും ലഭ്യമാകും.
നാസർ പട്ടാമ്പിയാണ് ദമ്മാം റീജിയണൽ മാനേജർ. അൽത്താഫ് വാഴക്കാട് മാർക്കറ്റിംഗ് മാനേജറായും പ്രവർത്തിക്കും. ബിസിനസ് കൺസൾട്ടൻസി, ബിസിനസ് സെറ്റപ്പ്, നിയമാനുസൃത ബിസിനസ് ഘടന രൂപീകരണം എന്നിവയിൽ പ്രാദേശികമായി പ്രൊഫഷണൽ മാർഗനിർദേശങ്ങൾ നൽകാനാണ് പുതിയ ബ്രാഞ്ചിലൂടെ ലക്ഷ്യമിടുന്നത്.
സേവനങ്ങൾക്കായി 0511588087 എന്ന നമ്പറിൽ ബന്ധപ്പെടാമെന്ന് കമ്പനി അധികൃതർ അറിയിച്ചു.