തിരുവനന്തപുരം: കേരളത്തില് കാലവര്ഷം വീണ്ടും ശക്തിപ്പെടുന്നു. വടക്ക് പടിഞ്ഞാറന് ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദത്തിന്റെ സ്വാധീനഫലമായി തിങ്കള് ചൊവ്വ ദിവസങ്ങളില് കേരളത്തില് ശക്തമായ മഴയ്ക്ക് സാധ്യതയെന്ന കേന്ദ്ര കാലാവസ്ഥ വകുപ്പ് മുന്നിയിപ്പ് നല്കുന്നു. ഇന്ന് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, കണ്ണൂര്, കാസര്കോട് ജില്ലകളിലാണ് ഒറ്റപ്പെട്ട സ്ഥലങ്ങളില് ശക്തമായ മഴയ്ക്കുള്ള സാധ്യത നിലനില്ക്കുന്നത്. ജാഗ്രതയുടെ ഭാഗമായി ഈ ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു.ചൊവ്വാഴ്ച കോട്ടയം, ഇടുക്കി, എറണാകുളം ജില്ലകളിലാണ് ഒറ്റപ്പെട്ട സ്ഥലങ്ങളില് ശക്തമായ മഴയ്ക്കുള്ള സാധ്യതയുള്ളത്. മഴ ശക്തമാകാന് സാധ്യതയുള്ളതിനാല് കര്ശനമായ നിര്ദേശങ്ങളും പുറപ്പെടുവിച്ചിട്ടുണ്ട്. ആത്യവശ്യമല്ലാത്ത യാത്രകള് ഒഴിവാക്കി സുരക്ഷിത മേഖലകളില് തുടരാനും നിര്ദേശമുണ്ട്. ഏറ്റവും പുതിയ റഡാര് ചിത്രം പ്രകാരം അടുത്ത മൂന്ന് മണിക്കൂറില് ശക്തമായ മഴപെയ്യുമെന്നാണ് മുന്നറിയിപ്പ്
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group