ബെയ്റൂത്ത്: തെക്കൻ ലെബനോനിൽ മൂന്ന് വാഹനങ്ങൾ ലക്ഷ്യമിട്ട് ഇസ്രായിൽ സൈന്യം നടത്തിയ ഡ്രോൺ ആക്രമണങ്ങളിൽ നാല് പേർ കൊല്ലപ്പെട്ടു. ആക്രമണത്തിൽ ഏതാനും പേർക്ക് പരിക്കേറ്റതായും ലെബനോന്റെ ഔദ്യോഗിക വാർത്താ ഏജൻസിയായ നാഷണൽ ന്യൂസ് ഏജൻസി റിപ്പോർട്ട് ചെയ്തു. ഹിസ്ബുല്ലക്കെതിരെ കഴിഞ്ഞ മൂന്ന് മാസമായി തുടരുന്ന വ്യോമ-കര ആക്രമണങ്ങൾക്കിടയിൽ ഇസ്രായിൽ സൈന്യം പിടിച്ചെടുത്ത തെക്കൻ ലെബനോനിലെ വലിയൊരു പ്രദേശം ഇപ്പോഴും അവരുടെ നിയന്ത്രണത്തിലാണ്. മാർച്ച് 2-ന് ഇറാൻ പിന്തുണയുള്ള ഹിസ്ബുല്ല ഇസ്രായിലിലേക്ക് റോക്കറ്റുകൾ തൊടുത്തുവിട്ടതോടെയാണ് അതിർത്തിയിലെ സംഘർഷം ലെബനോനിലേക്ക് വ്യാപിച്ചത്.
അമേരിക്കയും ഇറാനും തമ്മിൽ ധാരണാപത്രത്തിൽ ഒപ്പുവെച്ചതിനെ തുടർന്ന് ലെബനോനിലെ പോരാട്ടങ്ങൾക്ക് വലിയ തോതിൽ ശമനമുണ്ടായെങ്കിലും ആക്രമണങ്ങൾ പൂർണ്ണമായി അവസാനിച്ചിട്ടില്ല. തങ്ങളുടെ സൈന്യം തെക്കൻ ലെബനോനിൽ തന്നെ തുടരുമെന്ന് ഇസ്രായിൽ വ്യക്തമാക്കിയിട്ടുണ്ട്. അമേരിക്കയും ഇറാനും വെള്ളിയാഴ്ച ഔദ്യോഗികമായി ധാരണാപത്രത്തിൽ ഒപ്പുവെച്ചതിന് ശേഷമേ അടുത്ത ഘട്ട ചർച്ചകൾ ആരംഭിക്കുകയുള്ളൂ.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group