ധനാനുമതി ബില്ലിന് അംഗീകാരം; യുഎസ് ഷട്ട്ഡൗൺ അവസാനിച്ചു

വാഷിങ്ടൺ – അമേരിക്കൻ ചരിത്രത്തിലെ ഏറ്റവും ദൈർഘ്യമേറിയ ഗവൺമെൻ്റ് ഷട്ട്ഡൗൺ അവസാനിപ്പിക്കാൻ സെനറ്റിൽ ഒത്തുതീർപ്പ്. സർക്കാർ പ്രവർത്തനങ്ങൾക്ക് ആവശ്യമായ ധനാനുമതി ബിൽ ജനുവരി 31 വരെ സെനറ്റ് അംഗീകരിച്ചു. ഞായറാഴ്ച രാത്രി നടന്ന വോട്ടെടുപ്പിൽ ബില്ല് പാസാകാനുള്ള 60 വോട്ടുകൾ റിപ്പബ്ലിക്കന്മാർക്ക് നേടാനായി.

ബില്ലിന് ഡെമോക്രാറ്റിക് പാർട്ടിയുടെ എട്ട് അംഗങ്ങൾ പിന്തുണ നൽകി. ഇതോടെ, ഷട്ട്ഡൗൺ കാരണം നിർത്തിവെച്ചിരുന്ന ജീവനക്കാരുടെ കൂട്ട പിരിച്ചുവിടൽ മരവിപ്പിക്കാനും ധാരണയായിട്ടുണ്ട്. അതേസമയം ഡെമോക്രാറ്റുകളുടെ പ്രധാന ആവശ്യമായിരുന്ന ആരോഗ്യ പരിരക്ഷ നികുതി ഇളവ് വിഷയം അടുത്ത മാസം പരിഗണിക്കാമെന്നും ധാരണയായിട്ടുണ്ട്.