ജിദ്ദ – യു.എസ്-ഇറാന് യുദ്ധം രൂക്ഷമാകാനും മിഡില് ഈസ്റ്റില് നിന്നുള്ള എണ്ണ വിതരണത്തില് ദീര്ഘകാല തടസ്സം ഉണ്ടാകാനും സാധ്യതയുണ്ടെന്ന ആശങ്കകള്ക്കിടയില് ആഗോള വിപണികളില് എണ്ണ വില കുതിച്ചുയര്ന്നു. ബ്രെന്റ് ക്രൂഡ് ഓയില് വില നാല് വര്ഷത്തെ ഏറ്റവും ഉയര്ന്ന നിലയിലേക്ക് ഇന്ന് കുതിച്ചുയര്ന്നത്. ഇത് ആഗോള സാമ്പത്തിക വളര്ച്ചയെ ദോഷകരമായി ബാധിച്ചേക്കും. ബ്രെന്റ് ക്രൂഡ് ഓയില് ഫ്യൂച്ചറുകള് ജി.എം.ടി 06:59 ആയപ്പോഴേക്കും ബാരലിന് 4.28 ഡോളര് അഥവാ 3.63 ശതമാനം ഉയര്ന്ന് 122.31 ഡോളറിലെത്തി. 2022 മാര്ച്ച് 9 ന് ശേഷമുള്ള ഏറ്റവും ഉയര്ന്ന നിലയാണിത്. 126.41 ഡോളറിലെത്തിയ ശേഷമാണ് വില അല്പം കുറഞ്ഞത്.
യു.എസ് വെസ്റ്റ് ടെക്സസ് ഇന്റര്മീഡിയറ്റ് ക്രൂഡ് ഓയില് ഫ്യൂച്ചറുകള് ബാരലിന് 1.46 ഡോളര് അഥവാ 1.37 ശതമാനം ഉയര്ന്ന് 108.34 ഡോളറിലെത്തി. ഏപ്രില് 7 ന് ശേഷമുള്ള ഏറ്റവും ഉയര്ന്ന നിലയാണിത്. ഈ വര്ഷം ബ്രെന്റ് ക്രൂഡ് ഓയില് വില ഇരട്ടിയിലധികമായി. അതേസമയം യു.എസ് വെസ്റ്റ് ടെക്സസ് ഇന്റര്മീഡിയറ്റ് ക്രൂഡ് ഓയില് വില ഏകദേശം 90 ശതമാനം ഉയര്ന്നു. ഇറാന് സംഘര്ഷം വരും മാസങ്ങളില് ആഗോള എണ്ണ വിതരണത്തെ തടസ്സപ്പെടുത്തുകയും പണപ്പെരുപ്പത്തിന് ആക്കം കൂട്ടുകയും ആഗോള മാന്ദ്യത്തിന്റെ സാധ്യത വര്ധിപ്പിക്കുകയും ചെയ്യുമെന്ന ആശങ്കകള് പ്രതിഫലിപ്പിച്ച് രണ്ട് സൂചികകളും തുടര്ച്ചയായ നാലാം മാസവും നേട്ടത്തിലേക്കുള്ള പാതയിലാണ്.