സിസിലി– ലോകത്തിൽ സജീവമായ അഗ്നിപർവ്വതങ്ങളിൽ ഒന്നായ മൗണ്ട് എറ്റ്ന പൊട്ടിത്തെറിച്ചു. ഇറ്റലിയിലെ സിസിലി ഗ്രാമത്തിൽ സ്ഥിതി ചെയ്യുന്ന ഈ അഗ്നിപർവ്വതം തിങ്കളാഴ്ച രാവിലെയാണ് പൊട്ടിത്തെറിച്ചത്. പൊട്ടിത്തെറിയിലൂടെ മേഘസമാനമായ പൊടിപടലങ്ങളും ശക്തമായ പുകയുമാണ് പുറത്തേക്ക് വമിച്ചത്. പാറക്കഷ്ണങ്ങളുടെ പ്രവാഹം(pyroclastic flow) തെക്കുകിഴക്കൻ ഗർത്തത്തിന്റെ വടക്കൻ ഭാഗത്തുള്ള വസ്തുക്കളുടെ തകർച്ച മൂലമാണെന്ന് ഇറ്റലിയുടെ ദേശീയ ഭൂകമ്പ പഠനശാഖ പറഞ്ഞു. സംഭവസ്ഥലത്ത് ഉണ്ടായിരുന്ന വിനോദസഞ്ചാരികളാണ് വീഡീയോ സാമൂഹ്യ മാധ്യമത്തിൽ പ്രചരിപ്പിച്ചത്. സഞ്ചാരികൾ ഭയന്ന് ഓടുന്നതും വീഡിയോയിൽ കാണാം.
‘പ്രാഥമികമായ നിരീക്ഷണത്തിൽ, ചൂടുള്ള പദാർത്ഥം വലെ ഡെൽ ലിയോൺ കടന്ന് പോയിട്ടില്ല, എന്നാൽ അതേസമയം അഗ്നിപർവ്വതത്തിന്റെ തെക്കുകിഴക്ക് ഭാഗത്തുനിന്ന് ഉണ്ടായ സ്ഫോടനം ലാവയായി പരിണമിക്കുകയായിരുന്നു’. അധികൃതർ പറഞ്ഞു. അഗ്നിപർവ്വത സ്ഫോടനത്തെതുടർന്ന് വലിയ കുലുക്കം ഉണ്ടായതായും എന്നാൽ സ്ഫോടനത്തെതുടർന്ന് കാര്യമായ മാറ്റങ്ങൾ ഒന്നും തന്നെ ഉണ്ടായതായി ഡാറ്റ അടയാളപ്പെടുത്തുന്നില്ലെന്നും അധ്കൃതർ കൂട്ടിചേർത്തു.
എന്നായിരുന്നു മൗണ്ട് എറ്റ്ന അവസാനമായി പൊട്ടിത്തെറിച്ചത്?
ലോകത്തിലെ ഏറ്റവും സജീവമായവയിൽ ഒന്നാണ് മൗണ്ട് എറ്റ്ന, യൂറോപ്പിൽ ഏറ്റവും സജീവമായവയിൽ ഏറ്റവും ഉയരം കൂടിയതും മൗണ്ട് എറ്റ്നക്കാണ്. 2025 ൽ അതിന്റെ സജീവത കൂടിയതിനാൽ ഫെബ്രുവരി, ഏപ്രിൽ, മെയ് മാസങ്ങളിൽ ലാവയും മേഘസമാനമായ ചാരനിറത്തിൽ പൊടിപടലങ്ങളും ഉണ്ടായിരുന്നു.
എന്താണ് സ്ട്രോംബോളിയൻ പൊട്ടിത്തെറി?
നാഷണൽ പാർക്ക്സ് സർവീസ് പ്രകാരം ‘ബസാൾട്ടിക് മാഗ്മ അടങ്ങിയ മിതമായ പൊട്ടിത്തെറികൾ ആണ് സ്ട്രോംബോളിയൻ പൊട്ടിത്തെറികൾ അതിന്റെ കൂടെ മിതമായ ഗ്യാസും അടങ്ങിയിരിക്കും. സ്ട്രോംബോളിയൻ പൊട്ടിത്തെറികളിൽ വ്യത്യസ്തമായ പൊട്ടിത്തെറികൾ ഉണ്ടായിരിക്കും. ഇത് ഒരു പൂവൻ കോഴിയുടെ വാല് പോലെ വർണ്ണശഭളമായതും പാറക്കഷ്ണങ്ങളെ 100 അടി വരെ ഉയരത്തിൽ പുറന്തള്ളുകയും ചെയ്യും. ഇത്തരത്തിലുള്ള സ്ഫോടനങ്ങൾ കാരണം ലാവയുടെ ദ്വാരത്തിന്റെ വെസിക്കുലേഷൻ കാരണമാണ്.
ലോകത്തിലെ ഏറ്റവും വലിയ സജീവമായ അഗ്നിപർവ്വതം ഏതാണ്?
ഹവായിൽ, സമുദ്ര നിരപ്പിൽ നിന്ന് ഏതാണ്ട് 4 കി.മി ഉയരം വരുന്ന മൗന ലോവയാണ് ലോകത്തിലെ ഏറ്റവും വലിയ സജീവമായ അഗ്നിപർവ്വതം. അതിന്റെ അന്തർവാഹിനി വശങ്ങൾ സമുദ്രത്തിന്റെ അടിത്തട്ടിലേക്ക് 5 കിലോമീറ്റർ (3 മൈൽ) കൂടി താഴേക്കിറങ്ങുന്നു, കൂടാതെ സമുദ്രത്തിന്റെ അടിത്തട്ട് മൗന ലോവയുടെ വലിയ പിണ്ഡത്താൽ 8 കിലോമീറ്റർ (5 മൈൽ) കൂടി താഴ്ത്തപ്പെടുന്നു,” യു.എസ് ജിയോളജിക്കൽ സർവേ പറയുന്നു