തെഹ്റാന് – മുന് ഇറാന് പരമോന്നത നേതാവ് അലി ഖാംനഇയുടെ ഘാതകര്ക്ക് അവരുടെ പ്രവൃത്തികള്ക്ക് ശിക്ഷ ലഭിക്കുമെന്ന് ഇറാന് പാര്ലമെന്റ് സ്പീക്കര് മുഹമ്മദ് ബാഖര് ഖാലിബാഫ്. അഹങ്കാരികളായ ശക്തികളോടുള്ള പ്രതികാരത്തിന്റെ അവസാന ഘട്ടം ജറൂസലമിന്റെ വിമോചനമാണ്. 47 വര്ഷമായി വിപ്ലവത്തിന്റെ ചാലകശക്തിയായിരുന്ന ഇറാന് ജനത കഴിഞ്ഞ നാല് മാസമായി പ്രതികാര മുദ്രാവാക്യങ്ങള് ഉയര്ത്തുകയും രക്തസാക്ഷി ഇമാമിന്റെ കൊലയാളികളെ നിരാകരിക്കുകയും ചെയ്തു. ദൈവീക വാഗ്ദാന പൂര്ത്തീകരണം അനിവാര്യമാണ്. ഇറാന്റെ ഭൂമിയെ ആക്രമിക്കുകയും ഈ നാട്ടിലെ രക്തസാക്ഷികളെ കൊലപ്പെടുത്തുകയും ചെയ്തവര്ക്ക് അവരുടെ പ്രവൃത്തികള്ക്ക് ശിക്ഷ ലഭിക്കും. ഇസ്ലാമിക വിപ്ലവവും ഇറാനും എന്നെന്നും നിലനില്ക്കുന്നതും ശാശ്വതവുമാണ്. ഇറാന് ജനത പുതിയ പരമോന്നത നേതാവായ ആയത്തുല്ല സയ്യിദ് മുജ്തബ ഹുസൈനി ഖാംനഇക്ക് അനുസരണ പ്രതിജ്ഞ ചെയ്തു. സാമ്പത്തിക, നയതന്ത്ര മേഖലകളില് ജനങ്ങളെ സേവിക്കുന്നതില് ഉത്സാഹത്തോടെ പ്രവര്ത്തിക്കാന് സര്ക്കാര് ഉദ്യോഗസ്ഥരോട് ഖാലിബാഫ് ആഹ്വാനം ചെയ്തു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group