മേഖലാ സുരക്ഷ ഉറപ്പാക്കാൻ ഇറാൻ-സൗദി സഹകരണം​

ബീജിംഗ്– പശ്ചിമേഷ്യയിൽ വർദ്ധിച്ചുവരുന്ന സംഘർഷങ്ങൾ ലഘൂകരിക്കാൻ മേഖലയിലെ രാജ്യങ്ങൾ തമ്മിലുള്ള ഏകോപനം അനിവാര്യമാണെന്ന് ഇറാൻ വിദേശകാര്യ മന്ത്രി അബ്ബാസ് അരാഗ്‌ചി. ഔദ്യോഗിക ചർച്ചകൾക്കായി ചൈനയിലെത്തിയ അരാഗ്‌ചി, ബുധനാഴ്ച സൗദി വിദേശകാര്യ മന്ത്രി ഫൈസൽ ബിൻ ഫർഹാൻ അൽ സൗദുമായി ഫോണിൽ സംസാരിച്ചു. മേഖലയിലെ ഏറ്റവും പുതിയ സംഭവവികാസങ്ങൾ വിലയിരുത്തിയ ഇരുനേതാക്കളും, കൂടുതൽ പ്രത്യാഘാതങ്ങൾ ഒഴിവാക്കാൻ നയതന്ത്ര ശ്രമങ്ങൾ ശക്തമാക്കാൻ ധാരണയിലെത്തി.