ഏദൻ– യെമനിലെ തുറമുഖ നഗരമായ ഏദനിൽ ഇറാൻ പിന്തുണയുള്ള ഹൂത്തി വിമതർ ബാലിസ്റ്റിക് മിസൈൽ ആക്രമണം നടത്തി. ആക്രമണത്തിൽ ആളപായമൊന്നും സംഭവിച്ചിട്ടില്ലെന്ന് ഔദ്യോഗിക സ്ഥിരീകരണം വന്നു. ഇന്നലെ ഏദന് നേരെ ഹൂത്തികൾ ബാലിസ്റ്റിക് മിസൈലുകൾ തൊടുത്തുവിട്ടതായി യെമൻ സൈനിക വക്താവ് മാജിദ് അൽനുസൈലി അറിയിച്ചു. സൗദി നേതൃത്വത്തിലുള്ള സഖ്യസേനയും ഹൂത്തികളും തമ്മിലുള്ള പോരാട്ടം ശക്തമായി തുടരുന്ന പശ്ചാത്തലത്തിലാണ് പുതിയ ആക്രമണം.
ഏദൻ അന്താരാഷ്ട്ര വിമാനത്താവളത്തിനും അന്താരാഷ്ട്രതലത്തിൽ അംഗീകാരമുള്ള യെമൻ സർക്കാരിന്റെ ആസ്ഥാനമായ അൽമആശീഖ് പ്രസിഡൻഷ്യൽ പാലസിനും നേരെയാണ് മിസൈലുകൾ എത്തിയത്. ഏദൻ വിമാനത്താവളത്തിന് നേരെ ഈ മാസത്തിനിടെ പലതവണ ഹൂത്തികൾ ആക്രമണം നടത്തിയിരുന്നു. ആഴ്ചകൾക്ക് മുൻപാണ് പ്രസിഡൻഷ്യൽ പാലസിന് നേരെ മുൻപ് ആക്രമണമുണ്ടായത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group